اسكريبت كما تدين تدان

معرفتش اكل ولا اشرب كل المواقف الحلوه بتجمعني بيه ! 
إيمان_صالح
كنت قاعده مع ماما وسرحانه مش مركزه معاها وبعدها خبطتني في رجلي فبصتلها بدهشه 
_ايه ده يا ماما 
_ايه يا حبيبتي عماله اكلمك وانتي مش هنا خالص 
_معلش كنت مش مركزه بس 
_امال كنتي مركزه فين 
_المهم يعني يا ماما كنتي عايزه حاجه 
_اهه كنت بقولك قررتي ايه 
_فيه ايه يا ماما 
اتكلمت بغيظ وهي بتجز على أسنانها_يعني هتكملي مع إيهاب ولا 
بصتلها بهدوء ورديت عليها _لما اشوفه يبقى أقوله 
_يعني مش هتقوليلي انا 
هزت راسي وابتسمت بسماجه كده _لا يا ماما عشان هتروحي تقوليلو
_انا
_طبعا انتي ..بس لما تكلميه يبقى قوليله لما هي تشوفك هتقولك اهو حتى يرجع بسرعه الا هو فين يا ماما 
_مش عارفه 
_ماشي يا ماما أما تعرفي قوليلي 
_وانتي يهمك في حاجه 
_لا ويهمني فيه ايه ده حياله جوزي 
بصتلي بغيظ _ده انتي بت بارده يلا ادخلي اعملي الأكل
ضحكت قدامها ودخلت عملت الاكل وانا حقيقي مش بفكر غير فيه هو ليه مرجعش هو فعلا مش عايزني كنت واقفه سرحانه ولقيت ماما بتصوت بصتلها لقيتها قفلت البوتجاز بغيظ 
_الاكل اتحرق يا آخرة صبري 
بصتلها بلامبلاه وضحكت_مش مهم اعمل غيره ! .
كنت ماشيه في الشارع المفروض في كتب وروايات جديده نزلت قولت اجيبها كنت ماشيه وانا لحد ما فرحانه يعني أخيرا الكاتب المفضل بتاعي نزل روايه جديده كنت ماشيه مش مركزه ولقيت حد سحب ايدي 
_وحشتيني
سحبت ايدي منه بسرعه وصړخت 
_انت ايه جابك هنا 
_ايه بس يا ضحى موحشتكيش 
زعقت وصوتي علي_ وحشك كلب لما يلهفك لا وامشي من وشي عشان متزعلش 
_لا انتي قلبك جمد على ميدو اوي كده أهون عليكي 
_غور من وشي يا محمد عشان فعلا هعمل رد فعل هيزعلك 
ابتسم بسماجه_وانا مستحيل ازعل منك يا قمر 
إيمان_صالح
لسه كنت هرد عليه لقيته اضرب على وشه وقع في الأرض وإيهاب نزل عليه ضړب
_انا مش قولتلك اياك تتعرضلها تاني 
_لا براحتي بنت خالتي و ح
مكملش كلامه وايهاب كمل ضړب فيه لحد ما الناس فصلت بينهم 
_انت عارف لو قربت منها تاني وقتها هيكون عمرك انتهى انت فاهم
خدني ومشي وانا لحد دلوقتي مش مستوعبه هو فعلا رجع بصتله بذهول 
_انت رجعت بجد 
رفع حاجبه _لا خياله اللي واقف معاكي 
_انا مش مصدقه انك جيت وواقف قدامي
بصلي وابتسم _ لا صدقي أنا معاكي يا ضحى
بصتله وبعدها كشرت وضړبته في كتفه _ابعد عني بقى عشان مش طيقاك 
_نعم يا اختي 
_اهه عشان انت سبتني ومشيت 
_مش كان لازم اديكي فرصه تقرري 
_اقرر وانا لوحدي 
_محبتش اكون اناني وسيبتك تقرري لوحدك 
_وانا مكنتش عايزاك تمشي 
_يعني ايه 
_انت لسه بتسال انا عايزه اكمل معاك
مشيت بغيظ وهو وقف يستوعب شويه وبعدها جري ورايا ومسك ايدي 
_استني كلامك ده بجد 
_يعني حد قالك اني بهزر معاك ..ههزر معاك بتاع ايه يعني 
فضل باصص وهو بيضحك وبعدها اتكلم بسعاده _مش عارف اقولك ايه بس انا بحبك اوي 
_ايه 
_عايز احضنك يا ضحي
شهقت پصدمه _قليل الادب 
إيمان_صالح
سيبته ومشيت وهو بصلي وتنح _قليل الادب ايه يا بت خدي انا جوزك
وصلنا المعرض ودخلت وقعدت اختار روايات وبعدها وقف 
_كده خلصتي 
_اه خلصت 
_طيب الحمدلله 
_ناقص احاسب بقى استنى 
_ليه وانتي ماشيه مع صاحبتك ولا حاجه 
راح حاسب وبعدها خرجنا 
_على كده بتحبي الروايات اوي 
_اهه اوي 
_والشيكولاته بتحبيها 
_اوي اوي 
_والايس كريم 
_بحبه اوي اوي
_طيب وانا
_بحبك اوي 
ضحك_وانا كمان بعشقك اوي اوي 
استوعبت انا بقول ايه
وبعدها ضړبته بغيظ 
_على فكره بقى انت نصاب 
_على فكره انا بحبك اوي بقولك 
_اممم 
_خدي الروايه دي 
خدتها منه واتنطت بفرحه_ الله جبتها منين انا ملقتهاش جوه 
_كانت اخر نسخه وانا خدتها 
بصيت عليها ولقيت مكتوب سأظل احبك للابد بصيتله وابتسمت _ربنا يخليك ليا 
_ويخليكي ل قلبي دايما يا حبيبي 

بقولك ايه يا ايهاب 
_نعم يا عيون إيهاب 
ضحكت_اتثبت خلاص 
رفع قميصه بغرور مصتنع_ انا اعرف أثبت اي حد على فكره 
_يا راجل ..لا بجد ايه رايك في الفستان ده 
_اكيد هتلبسيه ليا في شقتنا طبعا 
_لا طبعا هلبسه يوم فرحنا 
_في شقتنا 
_لا في القاعه 
_نعم يا اختي ليه حد قالك متجوزه واحد بقرون 
_يا إيهاب ده حلو اوي 
_امشي يا بت اختاري حاجه عدله يا بلاش 
_رخم مۏت 
بصلي وابتسم _كتك نيله في حلاوتك
إيمان_صالح 
_بصي ايه رايك قميص الأبيض ولا الاسود 
_الابيض طبعا بيليق عليك اكتر 
_طيب والاسود 
_حلو بس الابيض احلى عليك 
_يعني حلو عليا 
_انت حلو في كل حلاتك
_ما انا عارف على فكره 
_انت مغرور على فكره 
ضحك _عارف برضوا 
_ورخم برضوا 
بصلي بشړ وقرب مني _بتقولي ل مين الكلام ده 
_ها لا طبعا مش ليك ده لحد تاني 
_اهه بحسب انا سكتلك من الصبح وانتي نازله كلام 
بصتله بتوعد _يعني متكلمش 
ضحك_لا اتكلمي براحتك يا حبيبي

_ايهاب انت بتحبني اد ايه 
_الحب مش بيتقاس يا حبيبتي 
_اه انت بتهرب من سؤالي بقى 
_وانا اهرب ليه ما انا بكلمك اهو 
_على فكره انت مبتحبنيش طلقني
_اممم طيب دي الهرمونات بدأت بقى بقولك ايه تيجي ناكل ايس كريم 
_بالشيكولاته 
_بالشيكولاته 
ضحكت _ نكنسل النكد بقى ويلا بينا 

_هي مين نور دي يا إيهاب
_دي عميله كده كنت بعملها ڤيلا 
_تقوم تكلمك دلوقتي 
_كانت بتشكرني على شغلي معاها 
_والله طيب متخليهاش تكلمك تاني بقى 
_حاضر بس استني ثواني كده افهم من كلامك انك بتغيري 
_لا طبعا واغير ليه
بصلي وغمض عيونه بشك _بقى كده طيب هقوم اكلمها بقى 
اتعصبت _انت عارف لو قومت من مكانك ها 
ضحك وقرب مني _انا مستحيل احب حد بعدك لا حبيت ولا هحب زيك خليكي واثقه في كده ربنا يديمك في حياتي

_بص الاوضة دي حلو اوي يا إيهاب
_ اهه يا حبيبي بس انا مش بحب اللون البمبي ده 
_على فكره ده بينك اسمه بينك 
_على أساس هتفرق مش بحب اللون ده بدرجاته 
_اهه بس انا بحبه 
_وانا مش بحبه ميرضكيش يعني اقعد في اوضة مش مريحاني 
_خلاص اعمل اوضة تانيه نام فيها بلون يعجبك 
زعقت _وحياة امك
_وفي الآخر يا ماما اختارته لون ايه 
_اللون اللي انا اختارته طبعا 
_ايوه بقى ماما مسيطره 
إيهاب دخل وهو بيضحك_لا يا حبيبتي دي مش اسمها سيطره اسمها بحبها ومش بحب ازعلها أبدا 
بصتله وابتسمت _ربنا يخليك ليا يا حبيبي
_ويخليكم ليا
اروي ابتسمت وبصتلهم بتذكر
_تخيل يا بابا حصل ايه النهارده 
_فيه ايه يا حبيبتي
_النهارده سما صاحبتي معايا في الجامعه بنت عمو محمد باباها ماټ من زعله عشانها عريسها سابها يوم فرحها الاسبوع الفات وهو من زعله عليها ماټ 
_لا حولا ولا قوة إلا بالله ربنا يرحمه 
_بس انا زعلت عشانها يا بابا 
_متزعليش يا حبيبتي ربنا هيردلها حقها اصل كما تدين تدان ربنا مش بيسيب حق انسان بات في يوم زعلان
_عندك حق يا إيهاب كما تدين تدان
كما تدين تدان حتى وإن طال الزمان
وكما فعلت بإنسان سيفعل بك كيفما كان
فكل ساق سيسقى بما سقى ولا يظلم ربك أحدا
أنتمي إليك بكل تفاصيلي وارغب في الحصول على جزء من قلبك 
حكايات_ايمي
ايمان_صالح 
كما تدين تدان.