اسكريبت كما تدين تدان
هروح اجيب دكتور واجي
قبل ما يطلع ضحى مسكت في ايده وهزت رأسها بنفي قرب منها وقعد قصادها
_قلقتيني عليكي انتي كويسه
دموعها نزلت بصمت وهزت رأسها امها قربت منها واطمنت عليها وطلعت عند محمد بره ووقفت قصاده وزعقت
_انت ايه اللي رجعلك تاني يا اخي
بصلها واتكلم بحزن مصتنع_يا خالتي انا عارف انك مبتحبنيش بس انا بحبها
_حبك برص انت ايه مش راجل انت مشيت وقولنا خلاص جاي تخرب عليها ليه انت لدرجه دي قلبك ماټ ومعندكش ډم
_خالتي صدقيني هو اللي خلاني اسافر عشان بيحبها ويتجوزها
ضړبته بالقلم على وشه_اخرس يا قليل الادب وكمان كداب انت ايه مفيش عندك ډم طول عمرك هتفضل كداب كده
_طيب خليني اتكلم معاها عشان اختك حتى
_انا اختي مبقتش اكلمها بسببك انت بسبب حتة عيل ميسواش في سوق الرجاله حاجه يلا اطلع بره
زعق_ انا هطلع يا خالتي بس عشان تعرفي ضحي ليا وبتحبني والتاني انا مش هسيبوه ابدا وبكره يشوف
طلع متعصب ورزع الباب وكانت الناس كلها مشيت بعد ما ضحى اغمى عليها مامتها دخلت ومسكت أيدها
_متعيطيش بنتي قويه هو ميستاهلش دموعك دي
كانت قاعده ساكته وضعيفه ودموعها بتنزل بصمت من غير كلام إيهاب مسك أيدها واتكلم بحزن
_انتي لسه زعلانه عشانه انا والله يا ضحى ما عملت حاجه انه يسافر انا مش بالقذاره دي
كانت بتسمعه وهي بټعيط مش بتدي اي رد فعل فبصلها بحزن وكمل
_طيب انتي زعلانه عشان هو جه بعد كتب الكتاب ما تم انتي مش موافقه على جوازنا
مردتش عليه وبتعيط برضوا وساكته تماما واترمت في حضڼ امها وامها بتبطب عليها في صمت تام .
_طيب انا مش هضغط عليكي عشان تكملي معايا انا هسيبك تفكري ولو
سكت بحزن وبعدها اتنهد وهو بيكمل
_لو مش حابه تكملي معايا انا وقتها هطلقك
قام من غير ما حتى يبصلها ومشي بسرعه مش قادر يواجهها .
إيهاب
كانت جارتي وطول عمرها قصاد بيتي دايما بشوفها قدام عيني عمرها ما غابت عني وعن تفكيري كنت بحبها وبشوفها البنت الوحيده اللي تستحق حبي وقلبي كنت أما اشوفها في البلكونه قلبي يدق وبحس ببهجه في حياتي مكنتش شايف اي واحده تكون حبيبتي غيرها كنت بدرس وبجتهد عشان اعرف اوصلها وللاسف قولت الكلام ده ل محمد ابن خالتها بما أنه كان أقرب حد ليا مكنتش اعرف انه بالغل والحقد ده بدأ يقرب منها ما هو ابن خالتها من غير ما اعرف هو بيفكر في ايه مكنتش اعرف انه تفكيره هيوصل لكده أنه يحاول يبعدها عني و يقرب منها و يشتتها عند دراستها اول ما عرفت وقتها حذرته انه يبعد عنها بس مسمعش كلامي واټخانق معايا روحت ل مامتها وفهمتها عشان تلحقها بس معرفتش تبذل كل الجهد انها تبعدها عنه وقتها حلم ضحى ضاع بس ربنا كرمها ودخلت صيدله فرحت اوي بس الفرحه مكملتش غير لما عرفت أنه بعد سنتين من كليتها أنهم بيخططوه لجوزهم مع بعض الصدمه كانت كبيره عليا مكنتش متحمل الصدمه دي ازاي بعد السنين دي كلها هتتجوز غيري بعد ما كنت خلاص اشتغلت وجهزت شقتي كنت هتقدملها بس وقتها كانت اتقربت منه وحبته مع إني كنت مختار فستانها في الوقت ده حتى الشبكه بتاعتها حددوا الخطوبه ووقتها روحت عشان ابارك ل صاحب عمري
المفروض بس المفاجاه انه سابها وسافر مقدرتش اعمل حاجه وقتها غير اني أخطبها انا مكانه حتى لفتره محدده لكن الغريبه اني لما لبستها الشبكه بتاعتها حسيت انها خلاص بقت ليا ومش هينفع اسيبها اتعلقت بيها اكتر من الاول وبعد ما كنت بحبها خلاص بقيت بعشقها ومقدرش استغنى عنها دلوقتي بعد اللي عمله يوم كتب كتابنا مقدرتش اتحمل وضړبته سيبتها تفكر بس ازاي وهي اصلا زعلانه عشانه يعني خلاص الحكاية خلصت قبل ما تبدأ!
جالي شغل في اسوان ووقتها قولت فرصه ابعد شويه لحد ما تفكر مع اني بحبها ومش عايز اسيبها بس برضوا مش هكون اناني سافرت اسوان وبدأت شغل وحقيقي المكان هنا جميل والناس برضوا جميله .
إيمان_صالح
_حضرتك بشمهندس إيهاب
بصتلها وانا مش عارف مين دي ولا عايزه ايه _اه انا فيه حاجه حضرتك
هزت راسها وابتسمت_لا بصراحه شغلك عجبني جدا وكنت محتاجه تعملي الڤيلا بتاعتي
_طيب فين مكانها يا افندم
_ممكن تيجي معايا تشوفها
_اهه اكيد
_طيب تعالى معايا اتفضل
ركبت معاها العربية بتاعتها ووصلنا المكان
_دي الأرض عشان ابني عليها الڤيلا بتاعتي
_اهه موقعها ممتاز فعلا تحبي تبدأي امتى
_من بكره لو حبيت انا حابه استغل وجودك في اسوان عشان تشتغل فيها
_خلاص إن شاءالله نبدا من بكره
_والفلوس اللي حضرتك تطلبها انا موافقه
_من حيث الموضوع ده اكيد مش هنختلف
_تمام
كنت بتكلم معاها وموبيلي رن وكانت حماتي رديت عليها
_الوو ايوه يا طنط
_ايه يا إيهاب يا ابني انت فين
_انا في اسوان يا طنط فيه حاجه
_لا يا حبيبي اختفيت فجاه كده من غير ما تقول يعني
_معلش يا طنط كان شغل مش اكتر
_يعني انت عارف ان مراتك تعبانه وسبتها ومشيت
قلبي دق لما سمعت كلمة مراتي وابتسمت _اعذريني يا طنط هي كويسه دلوقتي
_لا هي مش بتاكل ولا بتشرب ولا بتعمل اي حاجه
_ليه يا طنط تسيبيها كده خليها تاكل
_بحاول يا إيهاب وبعدين حد قالك سيبها ومتقولش شغل عشان الموضوع ده مش داخل دماغي
_لا يا طنط متسيبهاش غير لما تاكل وبعدين حضرتك عارفه اتفقنا لازم هي تقرر
_يعني انت مش هتزعل لو قررت ترجع ل محمد وتسيبك
حسيت قلبي اتكسر وزي ما يكون الهوا اتسحب مني حاولت اتماسك لما سمعت صوتها بتكلمني
_ها مش هتزعل لو رجعت ل محمد
اتكلمت بضيق _لا يا طنط مش هزعل خلي بالك منها سلام
قفلت معاها وانا متضايق وعايز اخد نفسي مش قادر رجعت قعدت على كرسي وانا بحاول انظم انفعالاتي سمعت صوت من ورايا
_حضرتك كويس يا بشمهندس
_اهه اهه انا كويس يا
_نور اسمي نور
_انا كويس يا استاذه نور بعد اذنك عايز ارجع موقع الشغل
_تمام اتفضل
ركبت معاها وانا مش عارف حاسس ب ايه معقول هيكون قررها انها تسيبني و تروحله بالسهولة دي بعد كل اللي عملته معاها هتسبني بعد كل الوقت اللي ضيعته في التفكير فيها !
رجعت الشغل وانا بحاول انساها بس ازاي واي موقف بيفكرني بيها زي ما تكون هي الډم اللي بيمشي في عروقي هي النفس اللبتنفسه !
ضحى
لما شوفت محمد يوم كتب كتابنا اڼصدمت مع أن المفروض خلاص انا اتكتب كتابي بس مش عارفه ليه افتكرت يوم الخطوبه لما سابني لوحدي اواجهه الناس ومشي سافر وبكل سهوله راجع يقول إنه خطيبي حسيت روحي بتتسحب اد ايه كنت عبيطه ومغفله اوي كده وضحك عليا بكل سهوله محستش بنفسي غير وايهاب بيقول هيجيب الدكتور مسكت أيده وانا عايزه أوصله انه ميسبنيش لما قعد وكلمني كنت بقول هو فيه كده يعني أنا كنت بتخانق مع ماما عشان محمد
واحد غشاش وكذاب وواحد زي إيهاب عمل المستحيل عشاني مشفتهوش بس وقتها اتفاجأت لما قالي لو عايزه أطلق او يسبني ماشي ...وقتها مستوعبتش كلامه ولما مشي حسيت انه اخد روحي معاه وهو ماشي
