اسكريبت كما تدين تدان

طنط لو احتاجتي حاجه اندهي عليا بس
طلع وانا سندت راسي بإيدي وبعدها بصيت ل ماما 
_هو بيتكلم وهو متضايق كده ليه 
_ها لا مفيش المهم بقيتي احسن 
_اه يا ماما الحمدلله 
_امال انتي ايه وصلك للحاله دي مش قولتي خلاص مش هتفكري فيه تاني 
_غصب عني يا ماما والله مش قادره 
_خلاص يا حبيبتي يلا اهم حاجه انك كويسه وشدي حيلك بقى عشان نخرج
الفتره اللي كنت فيها في المستشفى إيهاب تقريبا مسبناش لوحدنا خالص بقيت كويسه وبعدها خرجت قعدت يومين في البيت وبعدها قررت انزل الجامعه تاني اشوف كليتي بقى ومستقبلي لبست ونزلت كنت واقفه اشوف عربية لقيت إيهاب وقف جنبي 
_واقفه كده ليه 
_رايحه الجامعه 
ابتسم _اخيرا افتكرني جامعتك حمدالله على السلامه
_اهه دي مستقبلي قررت اشوف محاضراتي
_طيب دي حاجه حلوه اوي ربنا يوفقك 
_وانت رايح فين بقى 
_رايح معاكي 
_نعم 
ضحك _ايه رايح شغلي بس هركب معاكي عربية الجامعه عندك مانع 
هزت راسي بنفي _لا وانا مالي 
Eman Saleh .
بصلي بغيظ _انتي مالك 
_يعني انا همنعك تروح الشغل 
_لا يا اختي يلا اركبي
ركبت في اخر العربيه وهو ركب في نفس الكرسي جنب الشباك وكان فيه مكان فاضي بينا جه شخص عشان يركب هو راسه ب لا 
_ليه ده مكان فاضي 
_وانا هاخد المكان ده عندك مانع 
_لا
الشخص نزل وبعدها بصتله باستغراب 
_انت مخلتهوش قعد ليه 
_يقعد جنبك 
_ما انا كده كده بحط شنطة 
_ولا شنطة ولا بتاع كده احسن 
_وانت تدفع حق واحد زياده ليه ما انا بركب كده دايما حتى لما كنت مع محمد 
بصلي بغيظ _مليش دعوه ب محمد وبعدين انا حر يا ستي 
_طيب خلاص 
وقولت في سري _ابو رخمتك يا اخي
بعد شويه نزلت قدام كليتي وهو نزل ورايا 
_ايه مكملتش ليه مش كان عندك شغل 
_اهه عندي بس خلي بالك من نفسك
_اه إن شاءالله
_و خدي العصير ده 
_لا 
_ليه يا ضحى انا خطيبك و 
_لا انت خطيبي لفتره مؤقته ولو سمحت متدخلش في حياتي ممكن 
بصلي بضيق ومشي وانا دخلت كليتي طيب أنا زعلانه ليه دلوقتي
دخلت المحاضره وانا كنت قاعده بحاول أركز انا فعلا طلع فايتني كتير خلصت المحاضره وخرجت قعدت مع اصحابي وجبنا اكل وقعدنا مع بعض
_ها بقى قولولي عملتوا ايه في حياتكم 
_زي ما احنا يستي والله بناخد المحاضرات ونطلع وانتي بقى مش باينه ليه 
صاحبتي التانيه اتكلمت وغمزتلها _مخطوبه بقى يستي عقبالنا
ضحكت_يا اختي اتنيلي بكره تتخطبي وبجربي 
Eman Saleh 
كلهم ضحكوا وبعدها دخلنا المحاضره وخلصنا وخرجنا روحت البيت وكنت تعبانه اوي بس افتكرت إيهاب وكلامي معاه وبعدها طلعت قولت اشوفوا في البلكونه كالعاده وقفت وهو كان واقف بيكلم واحده اول ما شافني استأذن منها ودخل اصلا عادي بس هي مين دي 
المفروض أنه لما بيكون فاضي أو مش فاضي بيخبط على البلكونه بس دلوقتي مبقاش بيخبط زي الاول كنت ماشيه في الشارع ولقيته ماشي قربت منه بسرعه 
_انت لسه زعلان 
_لا وهزعل ليه يعني 
_يعني عشان طريقتي معاك وكده 
_لا انا مش زعلان يا ضحى كل واحد حر 
_فعلا طيب تمام انا ماشيه
مسك ايدي _رايحه فين 
_مروحه هكون رايحه فين يعني 
اتنهد بضيق_استني هوصلك 
_مش كنت زعلان 
_لا الزعل ملهوش علاقه بإنك تمشي لوحدك
ابتسمت ومشيت وهو مشي جنبي بهدوء روحت البيت وكنت فرحانه اوي مش عارفه ليه بس كنت فرحانه بوجوده مسكت كتبي وقعدت في البلكونه اذاكر لقيت شيكولاته وقعت على رجلي بصيت بدهشه لقيته إيهاب واقف في البلكونه وبيضحك 
_ايه ده في حد پيخوف حد كده 
_اه انا
عندك مانع 
_لا يا سيدي معنديش 
_طيب خدي الشيكولاته دي كمان عشان تعرفي تذاكري و ركزي كويس ها
دخل وسبني وانا ابتسمت وكملت مذاكره وانا بحاول ارجع تركيزي تاني بعد ما شتته !
الامتحانات دخلت وقعدت في اوضتي اذاكر عشان متأخره اوي في المذاكره و تقريبا مكنتش بطلع ولا بشوف إيهاب خالص موبيلي رن برقم غريب فتحت وسكت وسمعت صوته 
_الوو ضحى انا إيهاب 
ابتسمت _ازيك يا إيهاب عامل ايه 
_الحمدلله ايه مش كنتي عايزه تردي عليا ولا ايه 
_لا بس ده رقم غريب وانا مش برد على ارقام غريبه 
_اه المهم عامله ايه في المذاكره 
_تمام انت جبت رقمي منين اول مره تكلمني على الموبيل 
_كان معايا الرقم اصلا بس مش بحب الموبيل بحب اشوفك مباشر يعني بس لما لقيتك مش بتظهري قولت اكلمك 
_بتحب تشوفني 
_قصدي بحب اشوف اي حد يعني 
_اهممم تمام 
_طيب اسيبك بقى تذاكري كويس سلام يا حبيبي
قفلت وانا مش قادره استوعب هو قال كده فعلا ولا ايه انا بقيت محتاره ومشتته اوي
خلصت اخر الامتحانات وإيهاب كان دايما يطمن عليا كنت طالعه من الامتحان وهو رن عليا 
_الوو 
_ايه يا ضحى صوتك ماله 
عيطت _الامتحان كان وحش اوي وصعب اوي 
_خلاص اهدي بس انتي فين وانا جاي 
_لا متجيش انا مروحه اصلا 
_لا اطلعي بس بره الكليه وانا جايلك سلام
طلعت وبعد شويه نزل من العربيه وجالي 
_مالك فيكي ايه بټعيطي ليه 
_الامتحان كان صعب يا إيهاب 
_خلاص يا حبيبتي حصل خير انتي عملتي اللي عليكي 
_بس انا كنت مذاكره كويس 
_واكيد ربنا هيعوضك بحاجات احسن من كده إن مكنش في امتحانات هيكون في حاجه تاني المهم متزعليش 
_مش زعلانه 
_خلاص تعالي نتغدا عشان ھموت من الجوع وعلى فكره انا قولت ل مامتك يلا 
_مش قادره اكل 
_لا هتاكلي يرضيكي اكل لوحدي يعني 
هزيت راسي ومشيت معاه وروحنا اكلنا وبعد نص ساعه روحنا على طول عشان قال ل ماما انه مش هيأخرني .
بعد ما خلصت الامتحان والنتيجه ظهرت وجبت تقدير كمان ماما قررت إننا نكتب الكتاب بعد ما إيهاب عرض عليها في الاول كنت مترددة و خاېفه وبعدها قررت اني أوافق هو انا لحد دلوقتي معرفش مشاعره ولا مشاعري بس على الاقل مش هياخذلني زي محمد كده محمد كنت بحبه عشان كده ممكن اكون زعلت بس إيهاب مش حبيته ف ممكن ميخذلنيش !
جه يوم كتب الكتاب وجهزت وكنت في الكوافير واحلى حاجه اني اصحابي في الوقت ده كانوا معايا إيهاب جه خدني ودخلني للمأذون كان جوايا مشاعر غريبه مش عارفه احددها وبدعي ربنا ان اليوم يعدي بخير كنت قاعده بنكتب الكتاب وفجاه صوت محمد وهو واقف قدامي
_كتب الكتاب ده مش هيكمل العروسة دي خطبتي وبتحبني !
يتبع ...
حكايات_إيمي.
إيمان_صالح 
رايكم ...اكمل 
اسكريبت الجزء الثاني والاخير
إيهاب اتعصب وقام پغضب _انت بتقول ايه خطيبة مين 
محمد ضحك بسخريه وقعد ببرود 
_ايه متعرفش انها خطيبتي ضحى خطيبتي وبتحبني من زمان وانت عارف كده كويس ولا نسيت
زعق _ضحى مراتي مش خطيبتك موضوع خطيبتك ده محصلش وانساه اصلا
_لا خطيبتي حتى لو مش خطيبتي فهي بتحبني ولا ايه يا دودو
إيهاب قرب قرب منه بعصبيه وضربه في وشه ومحمد من الضربه رجع لوراه
_اياك تكلمها ولا تجيب سيرتها تاني انت فاهم ولا لا 
_لا مش فاهم وهي بتحبني انت اللي دخلت بينا 
_انا اللي دخلت بينكم ولا انت اللي مش راجل وسيبتها وخلعت يوم الخطوبه لو كنت راجل بجد كنت خطبتها 
_وانت اللي راجل وانت 
سكت شويه وبعدها كمل _ولا بلاش مخطبتهاش ليه من الاول طالما انت عامل فيها راجل كده
بس برضوا مش هسيبهالك
كان لسه إيهاب هيرد عليه لقى صوت صرخه لف وشه لقي ضحى اغمى عليها قرب منها بسرعه وشالها وډخلها على السرير وحطها بهدوء وبص ل مامتها
_انا