اسكريبت كما تدين تدان

إسكريبت
_العريس سافر !
بصيت ل ماما پصدمه وتنحت _ايه يعني ايه سافر والخطوبه اللي بعد شويه دي ده احنا عازمين قريبنا كلهم
_معرفش يا ضحى انا كل اللي اعرفه انه ساب مع خالتك رساله انه مسافر ومش راجع تاني !
مش مستوعبه فيه ايه او ايه اللي هيحصل ايه ده _يا ماما هعمل ايه ده كل الضيوف بره !
عدت نص ساعه واحنا بنفكر محمد ابن خالتي ويعتبر بنحب بعض من زمان والنهارده خطوبتنا اللي كنا بنحلم بيها طول عمرنا واكتشف انه سابني لوحدي وسافر سمعت صوت الضيوف بيسألوا ماما عليا و على محمد طيب ايه الحل 
بعدها لقيت ماما دخلت وقعدت جنبي واتكلمت بهدوء
_دلوقتي كل الناس بره بتسأل عليكم 
_روحي قوليلهم العريس طفش يا ماما 
_ويقولوا عليكي ايه 
_طيب عايزاني اعمل ايه يا ماما انا كنت بحب ابن اختك وكنت مفكراه راجل بس ازاي الراجل سابني وسافر في أهم يوم في حياتي ابن اختك كسرني يا ماما !
سكتت شويه وبعدها خدت نفس واتنهدت 
_طول عمري حظرتك منه وانتي ماشيه بدماغك بس مش مهم الكلام ده دلوقتي ايهاب جارنا 
_ماله 
_عرف اللي حصل وهيطلع مكان محمد النهارده
_وده ازاي يا ماما 
_اهو زي ما بقولك كده اسمعي مني 
_طيب الضيوف هتقول ايه 
_مش هيقولوا حاجه هما فهموا غلط وإيهاب هو العريس 
اتكلمت پحده _لا يا ماما إيهاب لا انتي عارفه انه هو صاحب محمد ازاي يعني هتخطبله 
_يا بنتي انتي هتتخطبي فتره وده مش جواز وبعدها نفسخ الخطوبه بس دلوقتي مينفعش نقول إنه سافر وسابك 
_بس يا ماما 
_من غير بس يلا البسي الفستان ده وخليهم يحطولك ميك اب
خدت منها الفستان وبصيت عليه باندهاش هو الحقيقه حلو لونه جميل والتفصيل مختلف بس بس حاسه اني شوفته قبل كده 
بصيت ل ماما بدهشه وقولتلها بتفكير 
_الفستان ده جبتيه منين انا حاسه اني شوفته قبل كده فين فستاني 
_البسي ده دلوقتي عشان الضيوف زهقه وبدأوا يتكلموا بره يلا
سابتني وخرجت وانا بصيت على الفستان بتفكير وبعدها لبسته و خلصت وكنت لسه هطلع لقيت الباب اتفتح وكان إيهاب بصلي شويه بهدوء وبعدها مسك ايدي
_بتعمل ايه 
_اكيد هنخرج مع بعض مش هتخرجي لوحدك كده 
حط ايدي في ايده وخرج بره وبعدها قعدنا ومسك ايدي وبدأ يلبسني الدهب ايه ده هو جاب الدهب ده منين خلص وعطاني دبلته لبستهاله وبعدها مسك ايدي  وهو بيبص في عيوني ارتبكت وسحبت ايدي بسرعه وسط تصفيق كل الناس !
خلص اليوم ودخلت اوضتي وحرفيا كنت مڼهاره من العياط طول اليوم كنت ماسكه نفسي ومعيطش واخيرا بقيت لوحدي ومن حقي اعيط بقى
تاني يوم ماما خبطت عليا وبعدها دخلت وانا قاعده على السرير وبمسح دموعي
_انتي لسه زعلانه يا ضحى 
_يعني مش عايزاني ازعل يا ماما ازاي هو انا معنديش قلب 
_لا عندك بس محمد ده ميستاهلش انك تزعلي عليه اصلا مش هو ابن اختي اهو بس انا بقولك ميستاهلش 
_ملوش لازمه الكلام ده يا ماما خلاص اللي حصل حصل
 طبطبت عليا ومسحت على راسي
_خلاص كفايه زعل ارجعي زي الاول بقى مش حاجه زي كده تزعلك
_خلاص يا ماما مفيش حاجه مش زعلانه خلاص 
_ربنا يصلح حالك يارب 
_يارب يا ماما 
_يلا اطلعي اقعدي معايا عشان مفطرش لوحدي 
_حاضر يا ماما اطلعي وانا هاجي وراكي
طلعت وانا اتنهدت بضيق ودخلت خدت شور ولبست وخرجت قعدت معاها كانت مجهزه الفطار وقعدنا نفطر مع بعض وبعدها طلعت قعدت في البلكونه شويه .
كنت قاعده سرحانه وبتبص قدامي بشرود سمعت صوت
قدامي حد بيصفر بصيت كان إيهاب واقف قدامي بهدوئه المعتاد 
_نعم 
_عامله ايه النهارده 
_الحمدلله انا كويسه 
_طيب الحمدلله متزعليش من الحصل امبارح و 
هزيت راسي بنفي_مش زعلانه من الحصل وشكرا على اللي عملته معايا يا إيهاب ..اه صح انت جبت الدهب بتاع امبارح منين 
_انا جبته ليه فيه حاجه زوقي معجبكيش 
_لا زوقك حلو بس جبته ازاي 
_نزلت جبته امبارح وبعدين متشغليش بالك بقى 
_تمام انا هدخل جوه اجيب باقي الدهب عشان قلعته امبارح وخده احنا مش محتاجينه خلاص
بصلي باستنكار _حد قالك اني عايزه 
_امال انت عايز ايه 
اتكلم بعفويه وسرعه_عايزك انتي 
_نعم 
_قصدي عايزك متزعليش 
_انا مش زعلانه قولتلك 
_خلي الدهب معاكي احنا مش هنفسخ الخطوبه دلوقتي الناس هتقول ايه 
_يقولوا اللي يقولوا مبقتش فارقه 
_لا هتفرق انا مش عايز اي حد يتكلم عليكي بكلمه 
_تمام بعد اذنك انا هدخل ارتاح شويه
دخلت الشقه وقفلت الباب وسرحت وانا بمسح دمعه نزلت من عيوني.
_ضحى 
_ايه يا محمد جاي عندنا ليه 
_فيه مكان جديد انما ايه تحفه 
_بس انا عندي مذاكره يا محمد 
_يا بنتي فكك من المذاكره دي هتعملك ايه يعني وبعدين فيها البيتزا اللي بتحبيها تحفه
اتكلمت بفرحه _بجد طيب ثواني انا جايه
روحت عند اوضتي بفرحه وانا داخله ماما شافتني 
_رايحه فين يا ضحى 
اتكلمت بفرحه _هروح اكل بيتزا مع محمد يا ماما 
_يا بت سيبك من محمد ده فاشل وهيضيعك
_يا ماما انتي عارفه اني بحبه ومتعلقه بيه ايه المشكله 
_المشكله انك ثانويه عامه هي دي كلية طب اللي بتحلمي بيها 
_يا ماما هنروح شويه وهرجع اذاكر على طول ماشي سلام بقى
دخلت لبست وطلعت وقفت قدامه اول ما شافني ابتسم 
_ايه القمر ده 
_بجد الفستان حلو يا محمد 
_اوي يا ضحى يلا عشان اصحابي مستنينا
إيمان_صالح 
روحنا الكافيه وتقريبا اليوم ضاع روحت البيت واول ما دخلت ماما زعقت 
_هو ده اللي شويه اليوم خلص يا ضحى 
_يا ماما المكان كان جميل اوي 
_وانتي عندك مذاكره يا هانم ايه مش شايفه ده ولا ايه 
_لا شايفه يا ماما بس اخر مره والله 
_طيب يلا روحي واياك اشوفك معاه تاني
دخلت اذاكر وبعدها ابتدت امتحانات الثانويه العامه ووقتها ماما كانت متخانقه مع محمد عشان اذاكر بس اخر يوم دروس وكان فاضلي اخر ماده كنت خارجه من الدرس لقيت محمد واقف في وشي
_كنتي مختفيه فين يا ضحى 
_ايه يا محمد خوفتني وبعدين انت عارف انا عندي امتحانات 
_اهه عارف تعالي نتمشى شويه 
_بس انا عندي مذاكره وآخر ماده
_يا بنتي فكك اخر ماده معروفه مبتتذاكرش
ساحبني من ايدي وبعدها مشيت معاه خدني شربت عصير وقضينا اليوم مع بعض وبعدها روحت ماما اتخنقت معايا وانا زعقت معاها هي ليه مش عايزاني افرح انا بفرح وانا معاه .
دخلت اخر امتحان وطلعت بأخطاء ودي مش عادتي اصلا وبعدها ظهرت النتيجه ويدوب لحقت كلية صيدله بالعافيه بعد عياط وحزن كتير أن الكليه اللي كنت عايزاها راحت مني محمد كلمني في الموبيل بزهق
_خلاص بقى بټعيطي ليه ده انتوا بنات نكد 
_يا محمد حلمي راح مني انا كنت عايزه طب 
_يا حبيبتي صيدله من طب مش هتفرق انتوا بس اللي محبكينها اوي انا مش عارف هتستفادي ايه من التعليم ما كده كده هتقفي في المطبخ 
_ايه 
_بقولك ايه انا بحبك وعايز اتجوزك ايه رايك تقنعي خالتي عشان توافق
Eman Saleh .
اتكلمت بفرحه _بجد يا محمد 
_اهه طبعا انتي مش واثقه فيا ولا ايه 
فوقت من شرودي على صوت ماما وهي بټعيط بصيت لقيتها قاعده وماسكه ايدي 
_انتي كويسه يا حبيبتي
_انا فين يا ماما راسي بتوجعني اوي 
_انتي في المستشفى يا ضحى بقيتي احسن دلوقتي 
_إيهاب انت ايه الجابك
هنا 
_مامتك اتصلت عليا وقالتلي انك تعبانه وجبناكي هنا 
_اه 
_الف سلامه عليكي انا هطلع بره يا