رواية لن تحبني بقلم ميرال مراد
المحتويات
نفسها پخوف مما يحدث معها !
لاحظ ياسين انزعاجها و توترها و على الفور حاول تغيير الموضوع
اجيبلك حاجة تاكليها او تشربي اي حاجة !
روز في نفسها هو انا ايه اللي جرالي ! الجدع ده مين و بيقول ايه ! و انا ليه مش قادرة اتكلم معاه !!!
اردف ياسين بتوتر حين فهم ما الذي تفكر فيه
انتي اتخبطتي خبطة جامدة عشان كدة انتي في المستشفى
الدكتور كمان شوية هيجي يطمنا بعد ما نتيجة تحليل الاشعة بتاعتك تطلع
لم تعرف روز ماذا تفعل فاڼهارت بالبكاء
كاد ان ينفطر قلبه لبكائها فتجرأ و إقترب منها اكثر
ارجوكي ما تعمليش في نفسك كدة هتبقي كويسة ان شاء الله انا متأكد من كدة
استمرت في البكاء اكثر لم يتحمل ياسين رؤيتها بهذا المنظر ولا يعرف ماذا يفعل للتخفيف عنها فخرج مسرعا من الغرفة
و غادر المستشفى و هو يتصل بصديقه جلال
ياسين بحزن الو جلال عايز اشوفك ضروري
جلال خير ! شكلك مهموم اوي!! حصلت حاجة
البنت فاقت
جلال بحماس بجد ! ما ده خبر كويس اومال مالك مقفلها كدة
مش بتتكلم يا جلال البنت فقدت النطق
جلال يا نهار ابيض ! و الدكتور قال ايه طيب
قال لسة مش متاكدين من الحالة لانها لسة فايقة بس هيعرف بالضبط حالتها اول ما نتيجة التحاليل تطلع
ان شاء الله ربنا يقومها بالسلامة ما تقلقش انت بس
انا محتاجك دلوقت مش عارف اتصرف خاېف اوي يا جلال
تمام انا جاي لك اخلص شوية شغل كدة بس و مسافة السكة
في فيلا والد طارق
بعد يوم شاق من البحث كعادته
دلف طارق بضيق الى غرفته و تبعه عاصم
بعد مدة
كان مستلقي فوق سريره بثيابه المتسخة وحذائه و ينظر عبر النافذة الى الفراغ
جرى ايه يا طارق ! بص لنفسك بقيت عامل ازاي لا مهتم بشكلك ولا بأكلك ولا بنومك و لا بشغلك !! معقولة اللي بتعمله
في نفسك ده !
تنهد طارق بحزن مفيش ولا حاجة من دول مهمة بالنسبالي
الاهم اني الاقيها لو مروان لقاها قبلي انا مش هسامح نفسي أبدا يا عاصم !
ف سيرة مروان برضو مفيش اخبار عنه !
مفيش متأكد أنه سافر برة البلد و إلا كنت لاقيته
مادام كدة خاېف ليه طيب
كأنك ما تعرفش مروان يا عاصم ده عامل زي الأخطبوط ليه ذراعات ف كل مكان ! حتى و هو بعيد هيقدر يلاقيها
مش عارف بس كان فيه دماغي لما صدقته !!
المهم انا مش هيهدالي بال الا لما الاقيها و مستحيل اسيبهاله فاهم يا عاصم !
طيب طيب فهمت اهدى انت بس عشان نعرف نفكر
اسبوع بحاله يا عاصم مختفية بقالها اسبوع و يا عالم ايه اللي بيحصل معاها !
مسبتش حتة على طول الطريق ما دورتش فيها دورت ع الطريق الرئيسي و الطرق الفرعية كلها سألت في المستشفيات في الوكندات برضو مفيش حد شافها ولا يعرف اسمها
اعمل ايه بس!!
عاصم الطريق الغربي طويل مش معقول هتدور على طوله يا طارق !!
هأدور حتى لو وصلت لأسوان هأفضل ادور مش هأيأس
طب جربت تعمل بلاغ
و دي حاجة تفوتني !! جربت في كذا قسم طبعا
طب كويس قالولك ايه
لازم حد من قرايبها هو اللي يحط البلاغ قالولي هتحط انت بلاغ عن اختفائها بصفتك مين قلتلهم طليقها فضلوا يتريقوا عليا حتى ضابط منهم
بص لي من فوق لتحت و قال تلاقيها هربت من شكلك
حاول عاصم كنم ضحكته قائلا اقولك
حاجة و ما تزعلش مني ! و الله معاه حق ي صاحبي ! ما تبص لنفسك شكلك زي المتشردين قوم استحمى و غير هدومك دي و نام لك ساعتين ورا بعض عشان تعرف تركز و تخطط تعمل ايه قوم ربنا
يصلح حالك
قام عاصم و اسنده الى غاية الحمام و أحضر له ثيابا
يالا اسيبك انا دلوقت لو اتاخرت اكثر من كدة اختك هتعلقني في الجنينة تصبح على خير
في المستشفى
دلف الطبيب الى غرفتها
آنسة ندى انا الدكتور عماد اللي متابع حالتك انتي للاسف فقدتي النطق عشان كدة مش عارفة تطلعي صوت
انا هنا عشان اشخص حالتك و اتمنى تتعاوني معاي و تجاوبيني على بعض الاسئلة لو نعم تهزي دماغك ب اه لو لا تهزي دماغك بالنفي
فضلت تنظر له بإستغراب بينما اكمل الطبيب
اول حاجة عايز اعرفها انتي سامعاني ولا لا
اومأت بالإيجاب
ثانيا انتي عارفة انتي مين و ولا لا
اومأت بالنفي !!!
عند مروان
ايه يا زفت انت اټجننت !! بتكلمني من الخط بتاعك ليه
آسف ما اخذتش بالي ثانية واحدة بس
اقفل و أتصل من هاتف آخر
انت المفروض كنت تتصل بيا من نص ساعة كنت فين كل ده!
معلش يا مروان بيه أصل كنا في اجتماع مع الضابط مصطفى معرفتش اطلع منه لسة طالع حالا
طيب طيب مفيش اخبار
برضو
للأسف يا مروان بيه مش عارف اوصل لأي حاجة
يعني مفيش بلاغ اتقدم بإسمها
لا يا بيه مفيش ! ولا بيجيب سيرة عن الموضوع حتى !
و بعدين بقى !! الكلام ده ملوش غير تفسير واحد ! أنه كشفك يا غبي
لا يا بيه و الا مكانش خلى الكاميرا و جهاز التنصت و التعقب
لا يا خفيف مادام اكتشف الاجهزة الاولانية يبقي أكيد كشف الثانية هو لو كان عايز يكشفك كان كشفك من زمان بس واضح أنه مش مهتم بيك انت هو أكيد عايز يوصلي انا
معقولة كشفهم !!
اومال مش بيتكلم اي حاجة عن الموضوع ولا اتحركش خطوة واحدة من ساعتها ليه
يا خبر !! طب و الحل
مضطر ادور عليها بطريقتي خليك انت مراقبه بس من بعيد هو أكيد مش ساكت لا هو ولا اخوه مش ممكن يربعوا ايديهم و روز مختفية اسبوع بحاله
حاضر يا بيه
اقفل مروان الخط بتذمر كل حاجة لازم اعملها بنفسي!
جاتك البلا ف شكلك واحد غبي !
لو كان عندي واحد بس
زي مصطفى دماغه شغالة احسن منك و من كل البهايم اللي انا مشغلهم دول
!
عند ياسين
رجع إلى المستشفى و هو يحمل من اجلها بعض الاكياس
دخل الى غرفتها فوجدها على نفس الوضع منكمشة على نفسها و خائڤة
طمنيني انتي كويسة دلوقت مش حاسة بۏجع صح بقيت روز تنظر اليه بتوجس بدون اي رد فعل
على فكرة انتي لما جيتي المستشفى كنتي بين الحياة و المۏت و العملية اللي انتي عديتيها مكانتش سهلة أبدا الحمد لله انها نجحت و رجعتيلنا بالسلامة
تردد ياسين بعض الوقت قبل أن يقترب منها حاملا بعض الاشياء
بصي انا جبتلك شوية حاجات كدة هدوم و طرحة و كوتش و شنطة عشان ما ينفعش تطلعي بالشكل ده
تراجعت للخلف مع اقترابه منها فتوقف بجانب السرير
خلاص خلاص ما تخافيش بصي هاحطهم هنا و أبقي خذيهم بعدين
تراجع مبتعدا عنها لتشعر بالأمان و اكمل انا هكلم الدكتور عشان اعرف تقدري تطلعي امتى بس طول ما انتي هنا انا هافضل معاكي لو محتاجة اي حاجة نادي عليا هتلاقيني قاعد جنب الاوضة
كان يشعر بانها تريد أن تتكلم من تعابير وجهها
فأمسك كيسا صغيرا و اخرج منه دفترا و قلما
بصي انا جبتلك ايه تقدري تكتبي اي حاجة عاوزة تقوليها هنا ايه رأيك
وضعهما فوق السرير و تراجع
اخذتهما مسرعة و فتحت الدفتر ترددت قليلا ثم كتبت
انا هنا من امتى
تهللت اساريره لانها أخيرا قررت التجاوب معه
انتي هنا من اسبوع بعد العملية ډخلتي ف غيبوبة
و النهاردة فوقتي منها الحمد لله
كتبت في ورقة ثانية
انت مين و قاعد معاي ليه
انا اسمي ياسين محمود تردد قليلا قبل أن يواصل
كيف سيخبرها أنه من كان السبب في تلك الحاډثة التي افقدتها النطق ! أخيرا استجمع شجاعته و اكمل انتي أكيد تعبتي لازم ترتاحي انا هسيبك دلوقت عشان
تنامي
كانت تنصت بإهتمام امسكت بالقلم و كانت مترددة في كتابة الجملة الثالثة ثم تشجعت و كتبتها
طب انا مين
صدم ياسين لهذا السؤال !!! و همس في نفسه يا نهار اسود مش عارفة هي مين طب هقولها ايه بس
تردد قليلا ثم اجاب استني شوية و راجعلك
كان يهم بالخروج من الغرفة و الدهشة تعقد لسانه
فوجد الطبيب قادما نحوه
الدكتور انت رحت فين كنت بدور عليك
خير يا دكتور !
ان شاء الله خير يا استاذ ياسين نتيجة الاشعة طلعت
ياسين بترقب هاا يا دكتور طمنني
انا كشفت عليها تاني قبل شوية و تشخيصي مع التحاليل بيبين لنا خبرين واحد حلو و التاني للأسف وحش
يا ريت تقولي الحلو لاني مش قادر اتحمل حاجة وحشة تاني
الآنسة ما فقدتش النطق من أثر الخبطة ده اللي انا اتاكدت منه لأن لو كانت الخبطة و الڼزيف اثروا على مركز النطق في حالتها كان مؤكد مركز السمع يتأثر كمان بس الآنسة سامعانا عادي هي بس مش قادرة تنطق بكلمة حتى
اومال ايه مش فاهم !!
الآنسة اللي جوة فقدت النطق إثر صدمة عصبية قبل الخبطة يعني الخبر الحلو انها حالة نفسية بس و ممكن تستعيد صوتها تاني لان مركز النطق و الحبال الصوتية كله سليم
بجد يا دكتور !!
ايوة ما نقدرش نعرف امتى بس ممكن ترجع تتكلم لو اتعرضت لضغط او صدمة تانية من نفس النوع
طب ايه الخبر الثاني و لو اني حاسس اني عرفته
للأسف الخبطة أثرت على حاجة تانية الظاهر أن الآنسة عندها فقدان ذاكرة مش هنقدر نحدد لسة اذا كان مؤقت او دائم
يعني هي مش عارفة حاجة خالص عن حياتها
للأسف ده اللي اكتشفته قبل شوية
طب يا دكتور هتقدر تطلع امتى
هي مؤشراتها كلها كويسة تقدر تطلع بكرة بعد ما نشيل الغرز و بعد كدة تبقى تجيبها تغير الضمادة كل يومين
تماما شكرا يا دكتور
في هذه الاثناء وصل جلال
أقبل مسرعا نحو صديقه الذي كان يبدو عليه التوتر جليا
ياسين جيت في وقتك يا جلال انا حاسس اني تايه و محتاجلك عشان نفكر سوا
في فيلا والد طارق
كان يجلس طارق و والده خارجا و يبدو على طارق بعض الضيق
طارق و بعدين بقى ! هنفضل ساكتين يعني لحد امتى
محمد بهدوء مستعجل على ايه الصبر بس !!
طارق طب فهمني على الأقل احنا مستنيين ايه عشان انا وراي مشوار
في هذه الاثناء دلف سيف الى الحديقة قادما نحوهما
سرعان ما انتفض طارق پغضب فور رؤيته و كاد يندفع نحوه كالبركان لولا يد والده التي امسكته
طارق انت كمان ليك عين تجي هنا بعد اللي عملته !!!
سيف ببرود ليه انا عملت ايه هو انا اللي قلتلها تختارني
و تسيبك
طارق پغضب لا انت واحد حقېر استغليت انها وحيدة و قعدت تتسحب و تقرب منها زي الثعبان لحد ما وقعتها بس مش هخليك تتهنى بيها
سيف پغضب مماثل مش لما تلاقيها الاول !!!
محمد جرى ايه يا طارق سيف ضيفنا و انا اللي اتصلت عليه و كنت مستنيه
طارق پغضب طب و انا مالي استناه بعيد عني !!
محمد اهدى يا طارق مش كدة احنا لازم نفكر بالعقل الاندفاع عمره ما جاب نتيجة
سيف عم محمد معاه حق صحيح لا انت بتحبني و لا انا طايقك بس احنا محتاجين نتحد عشان نلتقي روز قبل ما مروان يلاقيها انا اخوي ضابط و عندنا اتصالاتنا بس انتم تعرفوا مروان احسن مننا و تقدروا توصلوا للاماكن اللي يعرفها و الناس اللي بيتعامل معاهم لو مروان وصل لروز قبلنا انسى انك تشوفها تاني يا طارق
اطرق بصمت بينما تحدث والده بهدوء للأسف سيف معاه حق في كل كلمة و عشان كدة انت مضطر تتعاون معاه ان مكانش عشانك ف عشان روز
و اديك
شايف بقالك اسبوع بتتنطط من مكان لمكان لوحدك و مع كدة ما وصلتش لأي حاجة
طارق طب ايه المطلوب مني
سيف اسمعوا بقى احنا قدرنا نوصل ل ايه و بعدين هنجي للمطلوب منك ايه
في المستشفى
جلال خير يا ياسين هي البنت اخبارها ايه دلوقت و ايه اللي انت قلتهولي في التلفون ده
ياسين بقلق الدكتور بيقول انها اتعرضت لصدمة عصبية قبل الحاډثة هي
اللي افقدتها النطق يعني احتمال كبير تتكلم تاني
طب عااال ما ده خبر كويس اومال مهموم كدة ليه
الظاهر انها فقدت الذاكرة مش عارفة هي مين !
يا خبر طب و الحل ! احنا ما نعرفش عنها حاجة
مش عارف الدكتور قال تقدر تطلع بكرة اوديها فين بس
ايه رأيك نبلغ البوليس هوما أكيد عندهم بلاغ عن اختفائها و بكدة هوما
يرجعوها لاهلها و نخلص احنا من المشكلة
بوليس ايه انت كمان !! انت مش مركز معاي ليه بقولك البنت كانت من غير شنطة و لا جزمة و بتجري بسرعة چنونية و متعرضة لاڼهيار عصبي
خلاها بقت خرساء يعني أكيد هربانة من حاجة تقوم تقولي نرجعها لاهلها !! انا مستحيل ارجعها لحد الا لما اعرف حكايتها ايه و كانت بتهرب من مين
بس انت اصلا حياتك مش سهلة معقولة هتزود على نفسك بدل المصېبة مصيبتين !!
تنهد ياسين بتعب
مادام ربنا حدفها في طريقي يبقى انا مسؤول عنها من ساعة ما صډمتها و هأحميها من اي حد يتعرض لها
جلال بتفكير طب انت قلتلها ايه لما سألتك هي مين
ولا قلت ولا عدت اول ما لقيتها كاتبالي كدة معرفتش اعمل ايه قومت هربت من الاوضة زي الجبان و مش بفكر غير في بكرة لما نطلع من المستشفى هنروح على فين انا و هي
جلال انا عندي فكرة
ياسين الحقني بيها
احنا نقولها زي ما قلنا للدكتور انها الخدامة بتاعة عمي و ناخذها عند عمي رشوان هو الفيلا بتاعته كبيرة و منعزلة محدش هيلاقيها هناك
ياسين و بعدين عايزني اسيبها لوحدها عند عمك يعني ما احنا عارفين اللي فيها يا جلال !! عمك من ساعة ما مراته خلعته و هو بقى بتاع سهر و مزاج ما اضمنش وجودها هناك
عندك حل تاني ما انت ما تقدرش تاخذها بيتكم اللي انت اصلا هربان منه و انا كمان ما اقدرش اخذها بيتنا عند أمي دي كانت ريهام تعلقني
ياسين انت هتقولي !
انا عارف خطيبتك و جنانها دي مش بعيد تجي عندكم البيت تعمل من البنت الغلبانة شاورما
اااه على سيرة الهرب مروة اتصلت بيا تاني
جلال يا ساتر عالسيرة الزفت!! عايزة ايه تاني وش المصاېب
بتقول المهلة قربت تخلص و هتقدم بلاغ تاني يعني انا لازم الاقي مكان آمن لندى عشان الحق اختفي تاني
جلال طب انا افتكرت حاجة مش انت سميتها في سجلات المستشفى ندى محمود
ايوة ليه
خلاص اتحلت انت تدخل تقولها انك اخوها
يتبع
لن تحبني
بارت 16
خلاص اتحلت انت تدخل تقولها انك اخوها
ياسين پصدمة ايه !!!!!
جلال انت ياسين محمود علي و هي ندى محمود علي
و تفهم والدتك على كدة و تاخذها بيتكم و نأجرلك انت شقة تستخبى فيها لحد ما موضوع مروة يهدى و حكايتها تبان قلت ايه
مش عارف بس شكلها فكرة غبية
يا عم غبية غبية !! الوقت مش ف ايدك و بعدين ده جزاتي يعني عشان بافكر معاك و بحاول اساعدك !!
يا عم الله الغني عن افكارك الغبية و اكمل في نفسه انا اصلا من ساعة ما شفتها و انا متلخبط و هو يقولي اختك !
هااا قلت ايه
ياعم ما تشوف لنا فكرة احسن من اختي دي !!
اومال عايز تقولها ايه انك انت اللي خبطتها بالعربية و هي حاليا فاقدة الذاكرة بسبب حضرتك !
فكر قليلا و وجد أن صديقه محق
طب سيبني افكر كمان شوية بعدين اقرر بقولك ايه انا محتاج منك خدمة يا خويا
رقبتي ليك يا صاحبي
هتوصلنا بكرة اسوان انا مش عايز اطلع بعربيتي هسيبها هنا عند عمك قلت ايه !
واجب يا صاحبي هأعدي عليك بعد الظهر
اتفقنا
يالا انا مضطر اسيبك ما تنساش زي ما قلتلك انت اخوها و هي عملت حاډثة و جبتها المستشفى
و لو اني مش مقنتع بس ربنا يستر بقى
في فيلا كبيرة نروح لها اول مرة
مروة في غرفتها تكلم صديقتها المقربة شاهي
شاهي ها يا ميرو مفيش جديد بخصوص الاستاذ
مروة لسة باقي يومين ان ما فضحته في مصر كلها و خليتها قضية راي عام ما ابقاش
انا مروة سليم الكيلاني
شاهي انا من الاول قلتلك بلاش انتي اللي
اصريتي عليه هو بالذات على ايه مش عارفة !!
مروة عاجبني مز و رياضي و شهم تحسيه مسؤول في تصرفاته كفاية انه الوحيد اللي ما بصليش ولا اتهز او شكلي مع اني حاولت اغريه كذا مرة يعني من الاخر كدة راجل تقدري تعتمدي عليه و بعدين ما تنسيش أنه صعيدي
شاهي مش ناسية بس ما تنسيش انتي أنه مش غبي ولا سهل افرضي عرف يقلب القضية ضدك و طلب كشف تاني !
مروة كشف ايه انا مضبطة الدنيا كويس و بعدين الشهود و الدكتورة خذوا فلوس قد كدة و الحكاية عدى عليها مدة يعني لا هيقدر يثبت اني مش ولا حاجة
شاهي بسخرية نفسي بس اعرف مين اللي وراكي يا ميرو
مروة بخبث لا يا حبيبتي ده سر بقى !
شاهي بضحكة ماكرة ما تخافيش يا ميرو ما احنا عارفين اللي فيها ما تنسيش ان احنا دافنينه سوا
مروة ما دمتي عارفة بتسألي ليه
لا انا بس صعبان عليا مستر ياسين
و كمان عندي فضول اعرف مين حبيبك السري اللي مدبر كل المصاېب دي و ما وفرش على نفسه اللفة دي كلها و اتجوزك هو ليه
مروة في سرها يا ريت كنت اقدر اتجوزه هو !
ثم اردفت بحدة ما توفري على نفسك الأسئلة دي كلها و تشوفي انتي هتعملي مع هشام بتاعك بدل ما انتي شاغلة نفسك اوي كدة بالمستر
شاهي بمزاح الله !! هو احنا هنغير عليه من دلوقت ولا ايه مش تستني لما يتجوزك الاول
مروة بضيق هيتجوزني ڠصب عنه يا إما يتسجن اطلعي انتي منها بس يالا هنام انا دلوقت باااي
في المستشفى
بعد تردد كبير قرر ياسين الدخول ثانية و التحدث معها
طرق باب الغرفة و انتظر بضع دقائق قبل أن يدخل فوجدها قد اعتدلت في مكانها و جلست
ياسين مساء الخير يا رب ما اكون صحيتك من النوم
اومأت بالنفي
انا كنت حابب اتكلم معاكي شوية عشان نوضح شوية حاجات
اومأت بالإيجاب ثم تناولت الدفتر من امامها
و كتبت يا ريت و اولها تقولي
أنا مين
ياسين بتردد انتي اختي و إسمك ندى محمود علي
كتبت باستغراب واضح أختك
توتر للحظة بعد ان احس انها قد كشفته
ليه الدهشة هي غريبة انك تكوني اختي
فكرت قليلا ثم كتبت
ايوة
ايه الغريب في كدة
نظرت للمرآة الموجودة امامها و التي اشتراها لها من ضمن الحاجيات
وضعتها امام وجهها ثم وضعتها جانبا و كتبت
احنا مش شبه بعض خالص
زال توتر ياسين و ضحك على جملتها قائلا في نفسه ! هقولها ايه طيب انتي شبه أمي ماهي هتلاحظ العكس لما تروح بيتنا ! اااااه لقيتها ! سامحني يا رب على الكذبة دي
اجابها على الفور و هو يبتسم أمي دايما بتقول انك طلعتي شبه جدتي أم ابوي الله يرحمه ما طلعتيش شبه اي حد فينا
تأملته قليلا ثم كتبت مرة ثانية بعدم اقتناع
طيب ما دمت اختك ليه لما سألتك انت مين قلتلي اسمك ياسين محمود مقلتليش انا اخوكي على طول ليه !
تعرق ياسين من هذا الموقف فهو لم يتعود على الكذب ولا يجيده
يا دي المصېبة اللي انت حطيت نفسك
فيها !! البت داهية !! و انا اللي بقول عليها غلبانة دي طلعت ذكية و لماحة و بتحلل و تناقش كمان !!!
كتبت جملة ثانية و هي تهزه كي ينتبه حين رأت شروده
سكتت ليه عايزة إجابة !
ياسين في سره يا نهار ابيض دي كمان ما بتفصلش ! اومال لو كانت بتتكلم !! أكيد كانت هتعمل مني ملوخية من غير ارانب!!
ياسين و هو يحاول ان يخفف من توتره
بصي يا ندى الموضوع معقد شوية
كتبت بدهشة معقد ازاي
ياسين ما هو قبل ما ادخل عندك كان الدكتور كلمني
اااه كلمتي و قالي احتمال ان اختك فقدت الذاكرة بعد الحاډثة اللي حصلت معاها
كتبت بسرعة حاډثة ايه
ياسين بتوتر ماهو انتي كنت معدية الشارع و جيه واحد الله يسامحه خبطك بالعربية
كتبت بإهتمام واحد مين
ياسين في سره كمان عايزة تعرفيه !! احم منعرفش هو مين هو خبطك و جري و الناس لحقتك و اتصلوا علينا و اخذناكي المستشفى و عملتي العملية
هاااا
بعد ما فقتي الدكتور قالي احتمال انك مش فاكرة حاجة
كتبت باهتمام اكبر هاا و بعدين !
بعدين
الدكتور طلب مني ادخل اكلمك و أحاول اقولك اسمي يمكن يفكرك بحاجة من غير ما أحاول افكرك انا
نظر إليها فوجدها تنصت بإهتمام منتظرة اياه ان يكمل حديثه
ياسين بس لما طلعت و قلت للدكتور ان اسمي ما فكركيش بحاجة قالي فكرها انت و قولها تبقى مين
اومأت برأسها بإقتناع ثم كتبت
طيب تمام هنروح بيتنا امتى
تنهد اخيرا و تهللت اساريره براحة بكرة ان شاء الله
كتبت جملة أخيرة بعد تردد
طب احكيلي عن عيلتنا
هاحكيلك كل حاجة بس وحدة وحدة انتي لسة تعبانة و مش هتتحملي كفاية لحد كدة هسيبك دلوقت ترتاحي تصبحي على خير
خرج من غرفتها و هو يتنفس الصعداء الحمد لله عدت على خير سامحني يا رب بس ڠصب عني
في اليوم الموالي
في فيلا والدة مروة
نهضت ابتسام والدة مروة على طاولة الافطار و تهم بالذهاب الى عيادتها فهي طبيبة عظام
على فكرة يا حبيبي ما تنساش ان مهلة الحقېر هتنتهي بكرة لو ممكن تعدي عالقسم تعمل بلاغ تاني انا النهاردة عندي مواعيد كثير مش هقدر اطلع من العيادة الا متأخر
فؤاد حاضر يا روحي و لو اني مكنتش موافق من الاول انك تسحبي البلاغ الاول
ابتسام نعمل ايه في دلع بنتك ما هي اللي أصرت تسحبه قال ايه نديه فرصة يمكن يصلح غلطته من غير ڤضيحة !
فؤاد كنت متأكد أنه واحد واطي و مستحيل هيتقدم لها !
ابتسام ما تقلقش انا هأعرف اخليه يتربى
في هذه الاثناء نزلت مروة
مروة صباح الخير
فؤاد بحب صباح الورد
ابتسام صباح النور كل ده تأخير يا ميرو !!
مروة معلش يا ماما اتاخرت في المذاكرة امبارح و راحت عليا نومة
فؤاد بس كدة حبيبة بابي مش هتلحق تفطر زي العادة !
مروة بإبتسامة لا طبعا قعدت اهو
ابتسام طب يالا شدي حيلك بقى مش فاضل كثير عالثانوية العامة عايزينك تجيبي مجموع كويس عشان تدخلي طب
مروة بتذمر بس انا عايزة ادارة اعمال عشان اساعد بابي فؤاد في الشركة !
بس بابي سليم الله يرحمه كان عايزك تطلعي دكتورة نساء
تذمر فؤاد لسماع سيرة زوجها السابق
فؤاد بضيق مش كنتي متأخرة عالعيادة ! يالا يا ابتسام عشان اوصلك في طريقي
ابتسام لا يا حبيبي انا النهاردة رايحة بعربيتي ما انا قلتلك احتمال أتأخر في الشغل مش عايزة اتعبك ابقى وصل انت ميرو
فؤاد ماشي براحتك
في شركة والد طارق
استاذ طارق حمد لله على السلامة نورت الشركة يا راجل فينك مختفي
الله يسلمك يا حازم كنت تعبان شوية
ألف سلامة عليك بس بصراحة احوال الشركة مش بتعجب مع غيابك انت و مروان الجو ابتدى يتلخبط
محتاجين وقت على ما نقدر نضبط الامور لان موقفنا في السوق بقى وحش
تذكر طارق مروان و فورا غلى الډم في عروقه لكن حاول ان يتمالك اعصابه و لا يظهر غضبه فمروان مهما كان يملك 50 بالمئة من اسهم الشركة بعد ان ورثها عن والده هذا يعني انه شريك والد طارق فيها و يحظى بإحترام جميع الموظفين كما ان له عيونا في كل مكان
ربنا يسهلها يا حازم شوف عاصم وصل ولا لسة هنعقد اجتماع مجلس ادارة بعد ساعة و نحط خطة عشان نرجع للسوق اقوى بلغ الكل
تمام بس قبل كدة فيه اوراق لازمها توقيع حضرتك عن اذنك
ماشي هابقى اشوفها قبل ما نبتدي الاجتماع
دخل طارق الى مكتب مروان و هو يلتفت يمينا و يسارا كي لا
يراه احد
فلاش
سيف احنا هنقدر نحدد مكان مروان من خلال المبالغ اللي بيسحبها و للأسف ما نعرفش ارقام حساباته
لو قدرنا نوصل لحسابات مروان يبقى كدة وصلنا لاول الخيط اللي هيدلنا على مكانه و ده اللي انا عايزه منك يا طارق
طارق ازاي
سيف هتفتش لنا ف مكتبه عن اي اوراق بنك وصولات دفع حاجات زي كدة يا اما تدور في الحاسوب بتاعه
باك
حاول ان يفتش في بعض الادراج لكن لم يجد اي شيء مفيد
كان معاه حق سيف لما قال انه خبيث و بيحسب لكل خطوة ألف حساب مش مخلي ولا حاجة في المكتب
نظر الى حاسوب مروان الخاص ضغط زر التشغيل و انتظر قليلا فوجده مغلقا بكلمة
سر
يخربيتك يا واطي حاطط باسوورد
اعرفه منين انا بس
تذكر تاريخ ميلاد مروان و ادخله خاطيء
مش قادر افكر في حاجة تانية نظر الى هاتفه بضيق
و هو يتذكر شيئا
لو عرفت اي حاجة أتصل بيا فورا انا هساعدك
عاد ينفخ بضيق من الفكرة
مكنتش متخيل
اني في يوم من الايام اتعاون معاك بس معنديش خيار كله عشان روز
أتصل بسيف
ها وصلت لحاجة
طارق بضيق زي ما توقعنا المكتب فاضي مفيهش حاجة مهمة
طب و الحاسوب
قافله بباسوورد مش قادر افتحه
فكر للحظات ثم اكمل جرب كلمة روز
طارق پغضب انت بتقول ايه
سيف بهدوء طارق ما تفقدش اعصابك من اول خطوة
مروان واحد حقېر و تتوقع منه اي حاجة جرب يالا مش هنخسر حاجة
بالفعل جرب طارق الكلمة فسرعان ما فتحت الشاشة و غلى الډم في عروقه ده فتح بجد !! أقسم بالله ما هارحمك يا مروان الگلب !! و أوعدك ان موتك هيكون على ايدي !! بقى عامل اسم مراتي باسوورد يا ژبالة
سيف بسخرية طليقتك يا طارق اوعة تنسى
طارق بحدة يا شيخ اتنيل انت كمان انت لسة ما قفلتش!
و اقفل الهاتف پغضب مع سماعه ضحكة ساخرة من سيف
انهمك طارق في تصفح كل الملفات الموجودة و نسخ كل ما يحتاجه على قرص فلاش و اقفل الحاسوب و غادر دون ان يلتفت انتباه احد
في المستشفى
في غرفة روز
نص ساعة و تكوني جاهزة يا ندى ماشي
اومأت برأسها بإيجاب
خرج ياسين من الغرفة و اتصل بوالدته موضحا لها
الموضوع
واه ي ياسين عاوزني أكذب على كبر
يمة ڠصب عني
ماني فهمتك الموضوع و ڨولتلك معرفتش اڨولها ايه و بعدين انتي عتڨوليلها ي بتي زي ما عتڨولي لشيماء اختي او أي بت جيران و خلاص ! مش معنى اكده انك كذبتي
و افرض ڨعدت تسأل و تستفسر
يمة البنية ما عتتكلمش واصل عتسأل كيف
واه كيف نسيت الموضوع ديه
المهم يمة مسافة الطريڨ و نكون هناك
توصلو بالسلامة يا ولدي
اقفل الخط و الټفت الى الغرفة حيث وجدها تقف كالملاك في تلك الثياب البيضاء و تلك الطرحة التي زادتها جمالا و هي تبتسم في خجل لتصبح كالبدر في تمامه
بقي يتأمل ذلك الجمال الساحر رغما عنه لم يجعله يفيق من شروده الاصوت حمحمة من خلفه
احم لو جاهزين يالا بينا !!
ثم اردف في اذن ياسين بمرح شكلي جيت في وقت مش مناسب
ياسين بامتعاض هسس يا جلال يخربيتك هتفضحنا !!
همس جلال بسخرية و الله محد هيفضحك غير عينيك يا صاحبي
حمل ياسين اغراضها و نزلا الى الأسفل و انطلقا الى بيتهم
اخذ طارق قرص الفلاش الى الضابط مصطفى
اهو ده الموجود عالحاسب بتاعه
مصطفى تمام ان شاء الله هنقدر نوصل لاي معلومة منه و شاكرين تعاونك معانا
عشان روز انا اعمل اي حاجة
في هذه الاثناء وصل سيف
سيف بسخرية اومال طلقتها ليه طيب!
وقف طارق پغضب و انت مالك !! مش معنى اني وافقت اتعاون معاكم تسوق فيها بالشكل ده !!
مصطفى و هو يجلسه محاولا تهدئته
مصطفى و بعدين معاك يا سيف احنا هننسى هدفنا و نقعد نتخانق على حاجات هايفة ما تخلونا نركز عالخطوة اللي جاية !
طارق و هو يحاول تمالك اعصابه
ايه الخطوة اللي جاية يا مصطفى
مصطفى مش مروان حاطط لنا تنصت ! ماشي
هنرمي طعم لكلاب مروان
سيف بإنتباه ازاي
مصطفى هقولكم ازاي
يتبع
لن تحبني
بارت 17
بعد مدة ليست بقصيرة وصلت الثلاثة الى اسوان
استيقظت من النوم تنظر عبر النافذة بإنبهار مستمتعة بالمناظر الخلابة و الطبيعة الساحرة
نظرت الى ياسين الذي كان يطالعها عبر نافذته بشغف و اشارت إليه بمعنى احنا فين
ياسين بإبتسامة احنا وصلنا اسوان شوية و هنكون في البيت
استغرقوا بعض الوقت حتى وصلوا الى منزلهم حيث كانت في انتظارهم سعدية والدة ياسين
دخل ياسين قبل روز و جلال الى المنزل
اسرع ياسين نحوها يحتضنها بشوق
سعدية بحب كيفك يا ولدي اتوحشناك ڨوي يا نور عيني
يا شيمااااء وينك يا بت اخوكي اهني !
خرجت شيماء من غرفتها و اسرعت نحوه تحتضنه بشوق
شيماء بحب اتوحشناك يا حبيبي طولت الغيبة
دخلت روز و بقيت واقفة في الخلف ترتقب في توجس
غمز ياسين إلى والدته بمزاح چرى ايه يا ام ياسين عتسيبي بتك واڨفة و تڨعدي فيا ولا ايه ديه حتى هي اللي عاملة حاډثة و طالعة من العملية مش اني !
انتبهت والدته و
اسرعت بلهفة الى روز الواقفة پخوف
الحمد لله على سلامتك يا بنتي كيفك يا ضناي
روز تنظر بتوتر الى ياسين اللي اومأ لها بمعنى لا بأس
ابتسمت بحب الى سعدية و بادلتها و كذلك شيماء بحرارة
و أخيرا وصل جلال بالحقيبة
و انا مليش في الاحضان ولا ايه يا ست ام ياسين
واه يا جلال يا ولدي ! بڨي ديه كلام !! انت مڨامك من مڨام ياسين مرحب ي ولدي مرحب بالغالي
احتضنته و قبل يدها كيفك يا حاجة و الله زمان
الحمد لله يا ولدي و انت كيفك و كيفها سناء
الحمد لله يا حاجة و أمي بخير و باعثالك سلام كبير
أم ياسين الله يسلمك يا ابن الغالية يالا اتفضلوا اڨعدوا انتو چايين من طريڨ طويل ارتاحو على ما نچهز السفرة
و نظرت بسرعة الى شيماء
ڨومي ي بت نحط الوكل الجماعة زمانهم واڨعين من الچوع
جلال بإحراج طب استأذن انا بقى يا ياسين الطريق طوي
قبل أن يكمل جملته اجابته سعدية بحدة تستأذن كيف ي ولد !! بڨي تلحڨ لحد اهني وما تبلش ريڨك بشربة مية حتى !! نظرت الى ياسين بحدة ما تڨول حاچة يا ياسين يعني عاچبك اللي عيڨوله صاحبك ديه
ياسين الحاچة معاها حج يا چلال ما يصوحش الكلام ديه عندينا دي تبڨي عيبة في حڨنا كصعايدة
جلال انت هتقول لي ده احنا عشرة عمر و كنا جيران و معنديش شك ف كرمكم انا بس مش عايز أتأخر أمي هتقلق
سعدية مفيش تأخير الوكل چاهز و اني عاملالكم البط و عارفة انك عتحبه على ما تغسلوا و تريحو
تكون السفرة چاهزة و ابڨى كلمها عالتلفون عشان يرتاح ڨلبها
چلال بإستسلام امري لله اللي تشوفيه يا ام ياسين
عند مصطفى و سيف
سيف باستفهام يعني عايزنا نوصل معلومات غلط لمروان ليه طيب هنستفيد ايه احنا من كدة
مصطفى الوقت بيجري مننا و احنا مش عارفين نتحرك طول ما عيون مروان خانقانا احنا محتاجين نحول انظارهم في مكان معين عشان يلتهوا شوية و في الوقت ده نتحرك احنا براحتنا فاهمين
طارق مش كنا عملنا بلاغ احسن ابوها متلقح عندكم كنت اجبرته يحط بلاغ عن اختفائها
مصطفى لا يا طارق احنا عايزين نلاقيها من غير ما نعمل بلاغ عنها و نعممه ف كل الاقسام
طارق ازاي
مصطفى هندور بس بسرية عندنا جماعتنا اللي بيعملوا متخفين هيسألوا من غير ما يثيروا انتباه حد
سيف طب هتوصل المعلومات دي لمروان ازاي و انت مش عارف مين الگلب بتاعه في القسم
ابتسم مصطفى بخبث مين قال اني مش عارف !
طارق عارف مين هو و سايبه يتحرك بحرية
سيف بثقة مصطفى
مش عايز يوصل لذيل الثعبان مصطفى بيدور على راسه لأن هو ده مكمن الخطړ و السم
مصطفى بالضبط كدة و بعدين و لما يكون ذيله معانا و فاكر ان احنا واثقين فيه ده هيفيدنا اكثر من اننا نكشفه و نرميه فالسجن
طارق طب هنقول له ايه
مصطفى بثقة جماعتنا شافتها في اسكندرية
طارق و سيف مع بعض بدهشة اسكندرية !!!
مالكم بلمتم كدة ! ايوة اسكندرية ! خلي گلاب مروان تصيف لها كام يوم قبل ما يبتدي المصيف ده حتى هوا اسكندرية في الوقت ده تحفة
ضحك الجميع في نفس الوقت
في بيت ياسين
اتحطت السفرة و بدأ الجميع في الاكل و الكلام و الضحك و تبادل الذكريات الا روز المتوجسة
لاحظ ياسين ترددها في الاكل و احساسها بالغربة بينهم فأشار الى والدته
فهمت سعدية ما يرمي اليه فقربت صحن الفراخ لروز و هي تشير إليه چرى ايه يا ندى مش بتكلي ليه يا ضناي انتي عيانة و محتاچة تعوضي اللي خسرتيه خذي حتة الفرخة دي
ابتسمت بأدب و هي تأخذها و تشير إليها بمعنى شكرا
في هذه الاثناء وقف جلال قائلا
تسلمي يا ام ياسين على الأكل القمر ده سفرة دايما يا رب بس انا مضطر امشي
نظرت سعدية بدهشة واه واه يا ولدي ! لحڨت تاكل مېتي دي طبڨك زي ماهو ! متصربع
على ايه مش عارفة !!
بالعكس و الله انا بقالي كثير ما كلتش بالشكل ده
طب استنى اشرب الشاي تنزل بيه اللڨمة !
نظرت الى شيماء فزي ڨومي ي بت جيبي الشاي !
جلال و هو ينظر الى ياسين بتردد و
الله يا خالتي مرتبط بمعاد مهم الصبح و مستعجل عشان الحق أنام لي ساعتين قبل الصبح ما يطلع ما تقول حاجة يا ياسين !
ياسين بمزاح ما تصدڨيهش يامة تلاقي لا فيه معاد ولاحاچة
جلال و هو ينظر الى ياسين بحدة بمعنى حسابي معاك بعدين
ثم نظر الى سعدية بإحراج لاو الله يا حاجة انا فعلا متفق مع ريهام اننا نروح ننقي العفش سوا بكرة الصبح و ما اقدرش أتأخر عليها
سعدية بإستغراب واه يا ولدي ! هي الدنيا طارت !! ايه
اللي عيچرى يعني لو اتوخرت عن معادك او لغيته حتى
جلال بتلقائية يوووه ! دي كانت ريهام تعلقني !
ضحكت سعدية و شيماء من عفويته و بقيت روز تنظر في صحنها بإبتسامة خجولة تحاول أن تخفيها عنهم
شده ياسين من ثيابه كي يسكت و هو يضحك على موقفه
هسس ي ابن المهزڨة ڤضحتنا وسط النسوان
ضحك الجميع بما فيهم روز تاه ياسين في ضحكتها و انتبهت لذلك كل من سعدية و شيماء
سعدية طب يا ولدي براحتك و لكزت ياسين كي يفيق من شروده وصل صاحبك يا ياسين و تعال يا ولدي عاوزاك
نظرت الى شيماء شيماء ابڨي لمي السفرة اختك تعبانة من السفر و من رڨدة المستشفى عنوديها اوضتها ترتاح و راچعة اساعدك
جلال اشوف وشك بخير يا حاجة
مع السلامة يا ولدي
خرج ياسين مع جلال
جلال ها هتعمل ايه دلوقت
ياسين انا اتصلت بواحد أعرفه و اجرت شقة صغيرة في مكان هادئ و اتفقت مع طاهر يشوف طلبات البيت هنا و حامد هيبقى يجيبلي اللي احتاجه انا مش ناوي اطلع اليومين دول من الشقة لحد ما نشوف الدنيا هترسي على ايه
خير ما عملت ي صحبي ربنا يعديها على خير مسير الحق يظهر
انا مش خاېف غير على البنت اللي جوة دي مش عارف ايه الدنيا معاها ولا قادر اتحرك براحتي عشان ادور على اهلها
جلال كله هيعدي بإذن الله اهي مع امك و اختك يعني في الحفظ و الصون
ياسين يا رب ابقى خلي بالك من نفسك يا خويا
جلال و انت كمان
و على فكرة ابقى خف من النظرات يا روميو احسن امك و اختك فقسوك
طب يالا يا اخوي طريقك صحراوي
جلال بضحك مع السلامة
مروان مادام اتصلت أخيرا يبقى أكيد فيه جديد
معتز ايوة يا باشا فيه
مروان هات اما نشوف عندك ايه
معتز شافوها في اسكندرية
مروان بدهشة اسكندرية امتى و ازاي
معتز زي ما بقولك كدة معلومات مؤكدة جات للضابط مصطفى من قسم الاسكندرية
مروان بشك مش يمكن يكون ملعوب منه ما انت بنفسك قلت أنه مش بيقول حاجة ولا قادرين ناخذ منه معلومة وحدة بقاله مدة لأنه أكيد عارف ان عنده أجهزة تنصت هيقول دلوقت على مكانها ليه ! ده أكيد فخ يا معتز
معتز لا يا بيه انا متأكد ان المعلومات صحيحة
مروان
متابعة القراءة
