بنات سلفتي

الايام على ده الحال لحد لما سهام بقت في الخامس والدكتور قالها
مبروك يا مدام انتي حامل في بنتين تؤام وصحتهم مشاء الله زي الفل
في الوقت ده عيطت سهام والدكتور قال لها
هو في ايه انتي پتبكي ليه المفروض تفرحي هي مش دي اول مره ليكي برضو ولا ايه
رحاب
ايوه يا دكتور دي اول مره وبعدين ده هي بټعيط من الفرحة يلا بينا ياسهام نمشي كنت خيرك يا دكتور سلام عليكم
وخرجت انا وهي من عند الدكتور وهي قالت لي
بنتين يا رحاب يلهوي على اللي هيجرا لي من حماتك اذا كان قبل ما نعرف النوع كانت عامله لي قصه وحكايه اومال دلوقتي هتعمل ايه لما تعرف اني حامل في بنتين
رحاب
هتعمل ايه يعني وبعدين دي حاجة بتاعت ربنا قولنا قبل كده هي يعني كانت حاجة بايدك ولا بايدك ده ربنا هو اللي خلقهم جواكي انما حماتك دي ربنا يهديها بقا سيبك من كلامها مهما تقول فوتي وعدي
سهام
ما أنا عايشة طول عمري معاها بفوت وبعدي عشان خاطر محمود جوزي حنين عليا وكمان مليش حد غيره بعد ربنا يلا بينا نرجع البيت وزي ما تيجي تيجي بقا لما نشوفها هتعمل ايه حماتك دي
ورجعنا البيت وكانت قاعده وقالت
ها يابت ياسهام طمنيني على ابن ابني الدكتور قالك ولد مش كده
بصيت انا وسهام لبعض وانا قولت لحماتي
بصي ياحماتي انا قولت لك قبل كده ان اللي ربنا يجيبة كله خير واحنا مفيش حاجة في ايدينا واللي هيجي ده هيبقا نعمة من ربنا
الحما
انا مش فاهمة حاجة يابت انتي ما تجيبي من الاخر وتقولي في ايه بالظبط هو انا هشحت منك الكلام ولا ايه
سهام قالت بحسم
الدكتور قالي اني حامل في بنتين تؤام يا حماني خلاص ارتاحتي كده
الحما
الهي ما ترتاحي ولا تشوفي راحة يابعيده بتقولي قالك بنتين في بطنك يعني مش بنت واحده كمان على رأي المثل قال ياجايبة البنات ياشايله الهم للممات
رحاب
ليه بس كلامك ده ياحماتي ليه بس كده ده بدال ما تقولي لها مبروك تسمعيها الكلام ده لا ملكيش حق ياحماتي خالص والله
الحما
بقولك ايه يارحاب انتي تسكتي خالص واطلعي على شقتك وسيبي لي بقا سهام عشان عايزاها تنضف البيت من قوفه لتحته
سهام
وليه ده كله يا حماتي انتي عارفه اني حامل وشايله
الحما
مليش فيه ياعنيا انا عايزة البيت ده يبرق من النضافه وانتي يارحاب اطلعي شوفي ابنك يلا يابت روحي
وطلعت على شقتي وبقيتي اقول
انا عارفه انها مش هتجيبها لبر حماتي دي اااه انا عارفها كويس ربنا يسترها على البت سهام
ودخل يحي لاقاني بكلم نفسي وقالي
في ايه يا رحاب انتي بتكلمي نفسك ليه يا بنتي مالك كده
رحاب
اسكت يا يحي رحت للدكتور انا وسهام وقالها ان نوع الجنين بنتين تؤام جينا هنا عند مامتك نقولها لما عرفت لطمت وفضلت تقول كلام ملوش لازمة
يحي
لا حول ولا قوة الا بالله برضو مفيش فايده فيها امي دي هنقول ايه يا بنتي يهديها بقا ان شاء الله
رحاب
يارب يا يحي لحسن شكلها كده مش عايزة تعدي الحكايه دي على خير وانت عارف امك بقا وطريقتها
يحي
برضو نقول ربنا يهديها يا رحاب
وعدت الايام ولقيت سهام بټعيط وبتقولي
شوفتي حماتك عايزة ايه يا رحاب اااه ياني اروح فين واجي منين يا ربي بس
رحاب
في ايه يا سهام مالك يا بنتي الله انتي عماله تندبي ليه كده ايه اللي حصل
سهام
حماتك عايزة تجوز جوزي ياختي عايزة تجوزه قال شوفتي دي أخرت خدمتي ليها عايزة تخليه يتجوز
رحاب
طيب اهدي اكيد

يعني هي بتقول اي كلام ومش هيحصل حاجة من دي اهدي يا سهام
سهام
اهدي ازاى بس يا رحاب انا تعبت منها بقا ومن تصرفاتها وجبت أخرى لا واخرت المتمة انها عايزة تجوز جوزي دي وليه مش هتورد على جنة ابدا
رحاب
طيب بطلي عياط وانا لما يحي يرجع يحي هخليه يشوف الموضوع ده طيب وجوزك رده ايه على كلام امه ده
سهام
انتي عارف ان محمود ملوش كلمة قدام امه واللي هي بتقول عليه بيمشي انا عارفاه كويس ربنا يسترها يا رحاب
رحاب
إن شاء الله ربنا يسترها يا سهام انتي بس ياحبيبتي متحطيش في دماغك حاجة
وعدت الايام ولقيت في يوم سهام نازله من فوق ومعاها شنطة هدومها وانا قولت لها
انتي رايحة فين يا سهام بشنطة هدومك دي تكونيش رايحة تولدي بدري يابت ولا ايه
لقيتها بتزقني وبتقولي
اوعي من وشي يامايه من تحت تبن انتي بقا كده انتي رايحة تخطبي لجوزي عشان تجوزيه انا مكنتش اعرف انك عقربه كده يا رحاب
رحاب
ايه الكلام اللي انتي بتقوليه ده انا مش فاهمة انتي بتتكلمي عن ايه بس
سهام
مش عارفه بتكلم على ايه برضو ايوه اعمليهم عليا بقا مش انتي يابت اللي روحتي وخطبتي اختك الأرملة لجوزي بقا كده ده انا كنت فاكراكي اختي وانتي طلعتي حربايه اوعي انا مش عايزة اعرفك تاني
قالت كلامها وسابتني ومشيت وانا دخلت عند حماتي وقولت لها
هو صحيح الكلام اللي سهام بتقوله ده يا حماتي يعني محمود هيتجوز اختي طب ازاى الكلام ده ده حتى ماما وبابا محدش فيهم قالي حاجة خالص ازاى بقا محمود هيتجوز رشا اختي من غير انا ماعرف
الحما
اصلا ولا امك ولا ابوكي يعرفو لان محدش فيهم اصلا قاعد مع اختك دي هي عايشه لوحدها وهي اللي قالت رأيها من دماغها
رحاب
ازاى الكلام ده يعني بقا وازاي اصلا تفكر تاخد واحد من على مراتة هي اټجننت ولا ايه
الحما
بقولك ايه يا رحاب انا مش عايز كلام كتير وإياكي اعرف انك وقفتي في الجواز دي عارفه انا هعمل فيكي ايه
رحاب
والله حرام اللي بيحصل ده انا رايحة عند بابا وماما اشوف ايه الموضوع ده عن اذنك يا حماتي
في الوقت ده اخدت ابني ورحت على بيت ماما وبابا وقولتله
معقولة يابابا اللي بنتك عايزة تعمله ده بقا عايز تاخد الراجل من على مراتة ليه من قلة الرجاله وكمان عايزة تتجوز جوز سهام سلفتي ليه بقا
الاب
والله يارحاب انتي عارفه ان اختك مش عايشة معانا وعايشة لوحدها من وقت لما جوزها راح وهي قاعده هناك واي قرار بتاخده من دماغها
رحاب
يعني ايه يعني هي خلاص مبقاش ليها حد يحكم عليها وبقت تاخد رايها من دماغها وبس دي معندهاش ډم اوي البت دي ولازم لها وقفة انا هاروح لها
الام
وانتي هتروحي تعملي لها ايه يا رحاب ما انتي عارفها لسانها طويل وبتاعت مشاكل مش زيك يا رحاب انتي مش هتسلكي فيها يا بنتي
رحاب
معلش يا ماما انا هحاول معاها دي سهام بتتهمني اني انا اللي رحت اخطبها لجوزها شوفتي وصلت لدرجة ايه بعد ما كانت بتعتبرني اختها بقت بتستحقرني بسبب بنتكم
الاب
معلش يا رحاب يا بنتي انتي عارفه اختك دماغها عامله ازاي دي محدش بيقف قصدها يابنتي ربنا يهديها يارب
وبعدها اخدت بعضي ورحت على بيت اختي وقولت لها
انتي صحيح هتتجوزي محمود اخو يحي
رشا
اه يا رحاب هتجوز محمود شوفتي بقا الصدفه زمانك طبعا فرحانة اني هبقا سلفتك وهبقا معاكي علطول
رحاب
اتنيلي فرحانة ايه وزفت ايه على دماغك بقا انا فرحانة