بنات سلفتي

حطيت بنات سلفتي في التلاجة بسبب اللي حصل
وقبل ما بدأ حكايتي اعرفكم بنفسي انا أسمي رحاب عندي 28 سنه عايشة في بيت عيلة مع حماتي وسلفتي وانا معايا ولد صغير وفي يوم كنت قاعده وسلفتي دخلت علينا وانا قاعده انا وحماتي وقالت لنا
انا عملت اختبار حمل يا حماتي وطلعت حامل الحمد لله
الحما
الف بركة يابت يا سهام يعني انتي دلوقتي حامل بجد طيب حامل في ولد ولا بنت هااا انطقي
رحاب
الف مبروك في ايه بس يا حماتي وهي تعرف منين دلوقتي دي لسه في أول الحمل والموضوع ده مش بيبان غير بعد الشهر الخامس ولا حاجة
الحما
خامس اي يا ام خامس طب انا اسمع ان دلوقتي في أجهزة حديثة بتبين الواحده حامل في ايه صح ولا لا ماهو اسمعي بقا انتي لازم تعرفي لي انتي حامل في ايه عشان انا عايزة ولد انتي سامعه
سهام
لا حول ولا قوة الا بالله هو يعني بأيدي يا حماتي ولد ولا بنت وبعدين ده كل اللي يجيبه ربنا فضل ونعمة من عنده
الحما
لا ياختي انا عايزة ولد انا بقولك اهو
قالت كلامها سابتني انا وهي وقامت دخلت جوه وانا قولت لها
متزعليش يا سهام دي حماتك دي قلبها ابيض بس هي اللي بتحب تتحكم كده انتي عارفه
سهام
شوفتي بتكلمني ازاي يا رحاب يعني مثلا لو اللي في بطني بنت انا هاقولها منتزلش وتفضل جوه دي عايشة في أيام الجهل مش عايزة تعرف ان كل حاجة بتاعت ربنا
رحاب.
ونعم بالله المهم سيبك انتي بنت ولد ده كل اللي يجيبة ربنا خير ياحبيبتي
سهام
المهم بس هي تفهم الكلام ده وتبطل كلامها ده انا اللي مصربني عليها انتي عارفه ان اهلي غلابة ومليش حد اتسند عليه
رحاب
متقوليش كده انا معاكي اهو وبعدين ده محمود بيحبك اوي ياسهام وبيتمنا لك الرضا ترضي يابت
سهام
والله يا رحاب هو طيب وغلبان بس امه بقا لو تبعد عنه بافكارها دي كانت الدنيا اتعدلت خالص
رحاب
ولا يهمك سيبك انتي المهم وانتي رايحة المره الجايه للدكتور انا هاجي معاكي ماشي
وفي اللحظة دي دخل جوزي يحي وقالي
انتي هنا يا رحاب اومال فين الفطار يابنتي انا عايز اروح شغلي انا مستنيكي من الصبح تطلعي فوقي
رحاب
معلش يا يحي اصلي كنت قاعده مع حماتي اسكت مش تبارك لسهام ومش عملت اختبار وطلع حامل في أول شهر اهيه
يحي
بجد الف ميروك يا سهام ربنا يكملك على خير ان شاء الله لو احتاجتي اي حاجة قولي انا زي اخوكي برضو
سهام. تسلم يا يحي ربنا يخليك والله انا ما عارفه من غيرك انت ورحاب كنت عملت ايه في البيت ده الصراحة انتو اللي مهونين عليا معامله مامتك ليا
يحي
معلش يا سهام دي ماما طيبة بس هي اللي عصبية بس شوية متشليش منها انتي يلا يابنتي قومي اعملي الفطار لما ادخل أصبح على امي
رحاب
حاضر يا يحي انا رايحة اهو ادخل انت عندك مامتك وانا هدخل بقا هنا احضر لك الفطار بدال ما اطلع فوق لسه وابنك نايم جوه عندها
يحي
طيب يلا اخلصي واعملي فنجان قهوة يلا متأخر على شغلي
وقال كلامه ودخل عند مامتة وقالت له
صباح الخير ياحبيبي ايه هي البت مراتك لسه معملتش الفطار اااه ماهي وراها ايه غير اللت والعجن مع إللى متتسماش مرات اخوك
يحي
اهدي يا ماما مش كده وبعدين بلاش طريقة كلامك مع سهام دي على فكرة بتزعل ولا اكمن البنت غلبانه وملهاش حد تعملي فيها كده
الام
وهو انا عملت فيها ايه يا حبيبي ده حتى

طلعت حامل اهيه وانا بقولها اني نفسي يطلع اللي في بطنها ولد عشان تجيب ولد زي مراتك
يحي
ولد ولا بنت كله بتاع ربنا بلاش العقلية بتاعت زمان دي ياست الكل
وانا دخلت وقولت له
الفطار يا يحي اهو ياحبيبي
الحما
انتي لسه يابت فاكرة تعملي لجوزك الفطار دلوقتي عشان بتاخر على شغله
رحاب
والله انا كنت قاعده معاكي وانتي اللي قولتي خليكي هنا ولما يحي ينزل ببقا يفطر هنا عندي حصل ولا لا
يحي
طيب يعني مش اللي غلطانة ياست الكل يلا انا همشي بقا يلا مش عايزين حاجة مني
رحاب
عايزين سلامتك يا حبيبي مع الف سلامة
ومشي يحي وفضلت انا وسهام ننضف البيت ولما محمود رجع دخل عند امه اللي قالت له
مبروك لمراتك يا محمود يابني انا لسه عارفه النهاردة انها حامل
محمود
الله يبارك فيكي يا أمي دي هي لسه عارفه الصبح بس لما عملت اختبار وبعدين دعواتك بقا ليها انها تكمل الحمل على خير وتقوم بالسلامة
الام
تقوم ياخويا بالسلامة بس ده بعد ما تجيب لك الولد ان شاء الله انما لو جابت بت هي حرة هسود عشيتها ان شاء الله
محمود
طيب وليه بس كده ياست الكل هي سهام يعني هتعمل ايه لو جات بنت ده ربنا اللي عايز كده ياحبيبتي
الام
بقولك ايه يا واد انا عايزة مراتك تجيب ولد زي مرات اخوك يعني ولد انت فاهم ولا لا
محمود
بقولك ايه انا طالع اريح في شقتي انا راجع من الشغل هلكانة على الآخر يلا تصبحي على خير
وطلع محمود علي شقتة وسهام قالت له
انت جيت ياحبيبي حمد الله على السلامة انا هاقوم احضر لك الاكل عشان تأكل لك لقمة
محمود
ماشي يا حبيبتي امي فرحانه بالحمل بتاعك اوي يا سهام على فكرة
سهام
لا ياشيخ وهي امك فرحانة امتى ده اذا كان دي فضلت تسمعني كلام قدام مرات أخوك مش عايزة اقولك عليه دي عمالة تقولي عايزة ولد وإياكي تجيبي بنت ده اسمه كلام ده يا محمود
محمود
معلش انتي عارفه ان امي دقه قديمة وعايشه على عهد زمان بس انا متأكد انك لو جبت بنت او ولد هي هتحبهم
سهام
المهم تحبني انا الأول امك اصلا مش بطقني يامحمود وبتفضل رحاب مرات اخوك عليا المهم انا هاقوم احضر لك الاكل انا مش عايزة افتكر اللي هي بتعمله فيا عشان خاطر متعبش
ودخلت سهام المطبخ وحضرت الاكل ومحمود اكل ونام وبعدها تاني يوم عند حماتي قالت لسهام وانتي هتفضلي قاعده كده ياختي ماتقومي تعملي شوية بدال رحاب عشان بتغير الهدوم لابنها
سهام
حاضر يا حماتي انا بس الدكتور قالي متحركش كتير عشان الحمل وكده
الحما
ياختي على الدكتور ده وان شاء الله بقا لما تبقي في شقتك هتخلي جوزك يجيب لك خدامة ولا ايه ها بطلي دلع ياحبيبتي ده انا كانت بطني اااد كده قدامي وكنت بقوم ببتين اتنين قومي قومي بطلي دلع
رحاب
ما تسيبي سهام يا حماتي وانا خلصت اهو وهعمل بدالها سبيها هي عشان الحمل دي مينفعش تتحرك كتير انتي عارفه
الحما
والنبي يا رحاب تسكتي بلا دلع ماسخ ياختي وبعدين ماهي زي القردة اهي تقوم بقا تشوف اللي وراها وانتي ادخلي اعملي لي كوباية شاي
رحاب
حاضر ياحماتي وفي اللحظة دي اخدت سهام على جنب وقولت لها
اسمعي اللي تعرفي تعمليه اعمليه متحمليش على نفسك يا سهام وانا هكمل انا
سهام
ربنا يخليكي ليا يا رحاب انا لو ليا اخت مش هتعمل معايا كده روحي انتي يلا بس اعملي لها الشاي وانا هعملها اللي هي عايزاه
ودخلت انا المطبخ وسهام فضلت تروق الشقه لحماتي وعدت