من 6 شهور كنت نزلت بوست
من 6 شهور كنت نزلت بوست ان ابو العروسه عاوز يمضيني علي 350 الف جنيه رغم ان مجابش بيهم
طلعتلي ملايكه الرحمه قالو عادي دي مجرد ورقه بتبق مرميه ملهاش لزمه غير لو افتريت عليها ولو شاري امضي
انا بكل ثقه روحت مضيت وبصمت كمان وقولت لنفسي ياعم انت بتحبها وشاري متخافش
قعدت في بيتي 3 شهور
عاملتها بما يرضي الله لدرجه ان البني ادمين اللي عايشين حوالينا كانو قربو يعملولنا كتاب لحد محملت وكل شئ تمام
بداء الاهمال في البيت وكل شئ مبقاش لطيف
لدرجه اني قولتلها مفيش كوبايه اشرب فيها ميه وكل شئ ۏسخ قالتلي خد ابنك في بطنك وانا اغسل
بدائت تروح عند امها كتير
واجي من الشغل اعدي اتعشا مع اخواتي
مره في اتنين في عشره
جت اتصلت بيا وانا فالشغل قالتلي انا رايحه عند امي قولتلها منتي لسه جايه امبارح قالتلي تعبانه
قولتلها هو انا بخليكي تعملي شئ انا باكل وبشرب وحتي هدومي ولا بتتكوي ولا بتتحط حتي فالدولاب
قالتلي طب انا رايحه عند امي لما اعرف اخدمك هبق اجي
قولتلها برحتك بق
مشيت جيت من الشغل بالمسا عديت ع امي زي كل يوم
لقيتها بتزعقلي
فيه اي
انت بټضرب مراتك وبتجرجرها من شعرها وكمان مبتديهاش فلوس
قولتلها والله مضربتها ولا عمري ضړبتها
وبديكي انتي 400 جنيه وبديها هيا 600 جنيه كل اسبوع لان انا بقبض كل اسبوع وجايبلها حصاله بتحوش عشان ندفع فلوس الكليه رغم اني مش ملزم ادفعلها 3 سنين كليه وانا متجوزها وكان فاضلها سنه بس قولت ابوها مديون وواخد قرض فمينفعش نيجي عليه اكتر من كده
قولت اكلم عمها ونروحلهم
روحت قعدت وحكيت ل عمها وروحت هناك
عملو شاي ليهم وانا قاعد وسطهم وقام مدي ل اخوه ولابنه وهو ومراته وانا ماسك نفسي مش عشان كبايه شاي لا عشان حركه مش لطيفه
بيقول لاخوه يبهدل البت
قولتله نادي عليها خليها تقول اني كنت بضربها
قالي عليا الطلاق بالتلاته مهتشوفها تاني انادي علي مين
قولتله وانا مش عاوز اشوفها
تعالي خد حاجتك وكل واحد يروح لحاله وهيا كده كده لمت هدومها وخدت الدهب وخدت كل شئ فالبيت وهيا ماشيه
قالي لا ي حبيبي لا ي ضنايا
دنا ممضيك علي 350 الف جنيه العفش ده مش عفشي
قولت سلامو عليكو وخدت بعضي ومشيت
بعت لوالدته تقوله علي الفلوس كان واخد مني قبل جهاز بنتي 20 الف جنيه عشان يكمل عفش بنته
قالها ملهوش عندي حاجه ولو معاه اثبات يثبت واللي عنده يعمله
انا فضلت تايه مبنامش حوالي 10 ايام كنت بقف فالبلكونه لحد مالنهار يطلع ومصدقت فوقت شوي
انا المفروض اعمل اي دلوقتي ?
